മമ്മൂട്ടിയെ കേന്ദ്ര കഥാപാത്രമാക്കി അജയ് വാസുദേവന്‍ സംവിധാനം ചെയ്ത മാസ്റ്റര്‍പീസ് തിയേറ്ററുകളില്‍ മികച്ച പ്രതികരണത്തോടെ നിറഞ്ഞോടുകയാണ്. അതെ സമയം ചിത്രത്തിനു തിരിച്ചടിയായിരിക്കുകയാണ് ഫാന്‍സ് ആസോസിയേഷന്റെ പ്രതികരണം. മാസ്റ്റര്‍പീസ് അണിയറ പ്രവര്‍ത്തകര്‍ തിയേറ്റര്‍ സന്ദര്‍ശ്നത്തിനെത്തുമെന്ന അറിയിപ്പ് ലഭിച്ചിട്ടും താരങ്ങള്‍ ആരും തന്നെ ചടങ്ങിനു എത്താതിരുന്നതാണ് ഫാന്‍സിനെ പ്രകോപിപ്പിച്ചത്.

മമ്മൂട്ടിയും മറ്റ് താരങ്ങളും ചടങ്ങിന് പങ്കെടുക്കുമെന്ന് സിനിമയുടെ അണിയറ പ്രവര്‍ത്തകർ അറിയിച്ചതിനെ തുടർന്ന് എല്ലാ ഒരുക്കങ്ങളും പൂർത്തിയാക്കി ആരാധകര്‍ കാത്തിരുന്നു. എന്നാല്‍, പറഞ്ഞതനുസരിച്ച് ആരും തന്നെ ചടങ്ങിനു പങ്കെടുത്തില്ല. ഏറെ പ്രതീക്ഷയോടെ കാത്തിരുന്ന ആരാധകരോട് മമ്മൂട്ടിയും മറ്റ് താരങ്ങളും പെരുമാറിയ രീതി ശരിയായില്ല എന്ന ആക്ഷേപം ഉയർന്നു വന്നു. ഇതേ തുടർന്നാണ് മലപ്പുറത്തെ ഫാന്‍സ് ആസോസിയേഷനാണ് രംഗത്തെത്തിയിരിക്കുന്നത്.

പണം മുടക്കി തയ്യാറെടുപ്പുകള്‍ എല്ലാം നടത്തിയിട്ടും താരങ്ങള്‍ ആരും എത്താതിരുന്നതു കാരണം സിനിമ ബഹിഷ്കരിക്കുകയാണെന്നും ഫാന്‍സ് അസോസിയേഷന്‍ പിരിച്ചുവിടുകയാണെന്നും ഭാരവാഹികള്‍ അറിയിച്ചു.