അഭിനയ മികവുകൊണ്ട് മലയാളികളെ എക്കാലവും ചിരിപ്പിച്ച നടിയായിരുന്നു കൽപ്പന. അതുപോലെ തന്നെ ശക്തമായ കഥാപാത്രങ്ങളിലൂടെ മലയാളികളെ കരയിക്കാനുംകല്‍പ്പനയ്ക്ക് കഴിഞ്ഞു. മലയാളി മനസുകളെ കീഴടക്കിയ കല്‍പ്പനയുടെ വിയോഗവും മലയാളികള്‍ ഞെട്ടലോടെയാണ് സ്വീകരിച്ചത്. കല്‍പ്പന നമ്മെ വിട്ടു പിരിഞ്ഞിട്ട് രണ്ട് വര്‍ഷം പൂര്‍ത്തിയാകുന്നു. ഇപ്പോൾ അമ്മയ്ക്ക് പിന്നാലെ മകള്‍ ശ്രീസംങ്ഖ്യയും സിനിമയില്‍ എത്തിയിരിക്കുകയാണ്.

അമ്മയെ പറ്റി പറയുമ്പോൾ വളരെ അധികം വാചാലയാകുകയാണ് ശ്രീ സങ്ഖ്യ. 'അമ്മ തനിക്ക് കളിക്കൂട്ടുകാരിയായിരുന്നു എന്നാണ് ശ്രീ സങ്ഖ്യ പറയുന്നത്. 'ഞാന്‍ വളര്‍ന്നിട്ട് സിനിമയിലഭിനയിക്കണമെന്ന് അമ്മ പറഞ്ഞിട്ടില്ല എന്നും എന്നാൽ അങ്ങനെയൊരു ആഗ്രഹം അമ്മയ്ക്കുണ്ടായിരുന്നെന്നും ശ്രീസങ്ഖ്യ ഓർക്കുന്നു.

കല്‍പ്പന തനിക്ക് അമ്മയായിരുന്നില്ല, മറിച്ച്‌ കളിക്കൂട്ടുകാരി മീനുവായിരുന്നു.' മിനുവുമായിട്ട് തനിക്കുള്ളത് സൗഹൃദമായിരുന്നെന്നും ശ്രീസങ്ഖ്യ പറയുന്നു. മീനു ഉണ്ടായിരുന്ന സമയത്ത് താൻ വളരെ അപക്വമായി ആണ് പെരുമാറിയിരുന്നത്. സീരിയസ് ആയിരുന്നില്ല, സ്ട്രോങ് ആയിരുന്നില്ല. അങ്ങനെ കുട്ടിക്കളി മാറാത്ത സമയമായിരുന്നു.

എന്നാൽ മീനുവിന്റെ വിയോഗത്തിന് ശേഷം തനിക്ക് ഉത്തരവാദിത്തം വന്നു. കാരണം മീനുവിന്റെ സ്ഥാനം ഞാന്‍ ഏറ്റെടുക്കണം. അമ്മയെ ഞാന്‍ നോക്കണം. ഞാന്‍ സ്ട്രോങ്ങായി. മിനുവിന്റെ വേര്‍പാടില്‍ മനസ്സ് മരവിച്ച്‌ പോയിരുന്നു.

അമ്മയുടെ മരണ ശേഷം പണയം വെച്ച പോലിരുന്ന തന്നെ ഇങ്ങനെ ടോക്കറ്റീവാക്കിയത് സുഹൃത്തുക്കളാണെന്നും ശ്രീസങ്ഖ്യപറയുന്നു . മീനുവിന്റെ എല്ലാ ആഗ്രഹങ്ങളും എനിക്ക് ചെയ്തുകൊടുക്കണം മീനുവിന് വേണ്ടി. സിനിമയിലായാലും ജീവിതത്തിലായാലും. നല്ല കുട്ടിയായി എനിക്ക് ഇരിക്കണം ചീത്ത സ്വഭാവങ്ങളൊന്നുമില്ലാതെ നേര്‍വഴിയില്‍ തന്നെ പോകണം' എന്നും ശ്രീസംങ്ഖ്യ പറയുന്നു.