മെഗാസ്റ്റാര്‍ മമ്മൂട്ടിയെ കേന്ദ്ര കഥാപാത്രമാക്കി അമൽ നീരദ് സംവിധാനം ചെയ്ത ചിത്രമാണ് ബിഗ് ബി. അധോലോകത്തിന്റെ പച്ഛാത്തലത്തിൽ അഞ്ചു സഹോദരങ്ങളുടെ കഥ പറയുന്ന അമൽ നീരദ് ചിത്രം പ്രേക്ഷക ശ്രദ്ധ പിടിച്ചുപറ്റി . അതുകൊണ്ടു തന്നെ അത്തരത്തിൽ മമ്മൂട്ടിയെ കേന്ദ്ര കഥാപാത്രമാക്കി മറ്റൊരു ആക്ഷൻ സിനിമ വരുന്നുണ്ടെന്നു കേട്ടപ്പോൾ ആരാധകരെ അത് വളരെ അധികം സന്തോഷിപ്പിച്ചു. എന്നാല്‍ ആവേശത്തിലായിരുന്ന ആരാധകരെ നിരാശയിലാക്കികൊണ്ടാണ് ആഷിഖ് അബു സംവിധാനം ചെയ്ത ആ ചിത്രം എട്ടു നിലയിൽ പൊട്ടിയത്.

മമ്മൂട്ടിയെ നായകനാക്കി ഡാഡി കൂള്‍ എന്ന സിനിമയിലൂടെ സ്വതന്ത്ര സംവിധായകനായ ആഷിഖ് അബു സംവിധാനം ചെയ്ത മറ്റൊരു ചിത്രമായിരുന്നു ഗാങ്സ്റ്റര്‍. എന്നാല്‍, ചിത്രം വേണ്ടത്ര പ്രേക്ഷക ശ്രദ്ധ നേടിയിരുന്നില്ല. ചിത്രം എട്ടു നിലയിൽ പൊട്ടുകയായിരുന്നു.

എന്നാൽ വർഷങ്ങൾക്ക് ശേഷം ആ ചിത്രത്തിന് പിന്നിലെ പരാജയ കാരണം വെളിപ്പെടുത്തുകയാണ് സംവിധായകൻ . മമ്മൂട്ടിയെന്ന നടന്റെ സാന്നിധ്യമുണ്ടായിട്ടും ഗാങ്സ്റ്റര്‍ പരാജയപ്പെട്ടതു താന്‍ കാണികളെ വിലകുറച്ചു കണ്ടതുകൊണ്ടാണെന്ന് ആഷിഖ് അബു തുറന്നു പറയുന്നു. ഗാങ്സ്റ്റര്‍ പരാജയപ്പെട്ടതില്‍ മറ്റൊരാള്‍ക്കും ഉത്തരവാദിത്വമില്ലെന്നും ആഷിഖ് അബു വെളിപ്പെടുത്തുന്നു .