പൃഥ്വിരാജിന്റെ പുതിയ ചിത്രത്തിനു ഡിസ്ലൈക്ക്...
കസബ സിനിമയെയും മമ്മൂട്ടിയെയും വിമർശിച്ച നടി പാർവതിക്കെതിരെ സോഷ്യൽ മീഡിയയിൽ വൻ സൈബർ ആക്രമണമാണ് നടന്നത്. പാർവതിക്കെതിരെയുള്ള മലയാളി പ്രേക്ഷകരുടെ പ്രതിഷേധം സൈബർ ആക്രമണത്തിൽ ഒതുങ്ങുന്നില്ല. ഇതിനുപിന്നാലെ പാർവതിയുടെ പുതിയ ചിത്രമായ മൈ സ്റ്റോറിയുടെ പതുങ്ങി എന്ന ഗാനത്തിന് നേരെ പ്രതിഷേധം ഉയരുകയാണ്.
ഒരു ലക്ഷത്തോളം പേര് ഈ ഗാനം കണ്ടു കഴിഞ്ഞു. യൂട്യൂബിലെ ഈ വീഡിയോയ്ക്ക് ഡിസ്ലൈക്ക് അടിച്ചും കമന്റിട്ടുമാണ് ഒരു കൂട്ടം ആളുകള് രംഗത്തെത്തിയിരിക്കുന്നത്. 3000 ലൈക്ക് ഉള്ള പാട്ടിന് 32000 ഡിസ്ലൈക്ക് ആണ് ലഭിച്ചിരിക്കുന്നത്. ചിത്രത്തിന്റെ മേക്കിംഗ് വീഡിയോയ്ക്കും ഡിസ് ലൈക്ക് അടിക്കുകയാണ്.
സൂപ്പർ ഹിറ്റ് ചിത്രമായ 'എന്ന് നിന്റെ മൊയ്തീന്' ശേഷം പൃഥ്വിരാജും പാർവ്വതിയും ഒന്നിക്കുന്ന ചിത്രമാണ് 'മൈ സ്റ്റോറി'. നവാഗതയായ റോഷ്ണി ദിനകറാണ് ചിത്രം സംവിധാനം ചെയ്യുന്നത്. റൊമാന്റിക് മ്യൂസിക് ഗണത്തിൽപ്പെടുന്ന ക്യൂട്ട് ലിറ്റിൽ ലവ് സ്റ്റോറി എന്നാണ് സംവിധായിക ചിത്രത്തെ വിശേഷിപ്പിക്കുന്നത്.
ഇരുപത്തി രണ്ടാമത് ചലചിത്രോത്സവത്തിലെ ഓപ്പണ് ഫോറത്തില് സംസാരിക്കവെ മമ്മൂട്ടിയെയും മമ്മൂട്ടിയുടെ ചിത്രം കസബയെയും രൂക്ഷമായി വിമര്ശിച്ച് നടി പാര്വതി സംസാരിച്ചിരുന്നു. ഇത് സോഷ്യൽ മീഡിയയിൽ വൈറലാകുകയും ചെയ്തു. അതുല്യമായ ഒരുപാട് സിനിമകള് ചെയ്ത, തന്റെ പ്രതിഭ തെളിയിച്ച ഒരു മഹാനടന് ഒരു സീനില് സ്ത്രീകളോട് അപകീര്ത്തികരമായ ഡയലോഗുകള് പറയുന്നത് സങ്കടകരമാണെന്ന് പാർവതി പറഞ്ഞു. പാർവതിയുടെ ഈ പ്രസ്താവനയ്ക്കെതിരെ സോഷ്യൽ മീഡിയയിൽ പൊങ്കാലയായിരുന്നു.
https://www.facebook.com/Malayalivartha