സൂപ്പര്‍ താരങ്ങളോ ആരവങ്ങളോ ഒന്നുമില്ലാതെ വന്ന് വലിയ വിജയം നേടിയ സിനിമയായിരുന്നു ഹാപ്പി വെഡ്ഡിംഗ്. പ്രേക്ഷകര്‍ ഇരുകൈയും നീട്ടി സ്വീകരിച്ച ഈ ചിത്രത്തിലൂടെ സംവിധായകന്‍ ഒമര്‍ ലുലു പ്രേക്ഷകര്‍ക്കിടയില്‍ ഏറെ ശ്രദ്ധനേടുകയും ചെയ്തു. ഒടുവിൽ ഇറങ്ങിയ ചങ്ക്സും സൂപ്പർ ഹിറ്റ് ചിത്രമായിരുന്നു. രണ്ടു സൂപ്പർ ഹിറ്റുകൾക്ക് ശേഷം പുതുമുഖങ്ങളെ അണിനിരത്തി 'ഒരു അഡാര്‍ ലൗ'വുമായി ഒമർ ലുലു വീണ്ടും എത്തുന്നു.

ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ഹാപ്പി വെഡ്ഡിംഗ് യുവാക്കള്‍ക്കിടയിൽ വലിയ വിജയമാണ് നേടിയത്. കോമഡി എന്റര്‍ടെയ്നര്‍ ആയിരുന്നു ചങ്ക്സ്. ഇത്തവണ ഒരു അഡാര്‍ ലവ് ' പ്രണയകഥയാണ് ആരാധകർക്ക് വേണ്ടി ഒമർ ഒരുക്കിരിക്കുന്നത്. ചിത്രത്തിന്റെ മറ്റ് വിവരങ്ങള്‍ അണിയറപ്രവര്‍ത്തകര്‍ പുറത്തുവിട്ടിട്ടില്ല.