'ഡയലോഗുകൾ മ്യൂട്ട് ചെയ്താൽ എ സർട്ടിഫിക്കറ്റ് എന്ന് സെൻസർ ബോർഡ്' !; സുരാജ്-റിമ കല്ലിങ്കൽ ചിത്രം "ആഭാസം" സെൻസർ കുരുക്കിൽ ; പിന്തുണ അഭ്യർത്ഥിച്ച് അണിയറപ്രവർത്തകരുടെ ഫേസ്ബുക്ക് കുറിപ്പ്
സുരാജ് വെഞ്ഞാറമൂട്- റിമ കല്ലിങ്കൽ എന്നിവർ കേന്ദ്ര കഥാപാത്രത്തെ അവതരിപ്പിക്കുന്ന ചിത്രമാണ് ആഭാസം. . സിനിമ ഈ ആഴ്ച റിലീസിനൊരുങ്ങുമ്പോഴാണ് വിലങ്ങ് തടിയായി സെൻസർ ബോർഡിന്റെ തീരുമാനം എത്തിയത്.സിനിമയുടെ അണിയറപ്രവർത്തകർ തന്നെയാണ് ഇക്കാര്യം വ്യക്തമാക്കിയത്. ഡയലോഗുകൾ മ്യൂട്ട് ചെയ്താൽ എ സർട്ടിഫിക്കറ്റ് തരാമെന്നാണ് ബോർഡ് അറിയിച്ചതെന്നും എന്നാല് അങ്ങനെയൊരു തീരുമാനത്തിന് തങ്ങൾ തയ്യാറല്ലെന്നുമാണ് ആഭാസം ടീം പറയുന്നത്.
ആഭാസം സിനിമയുടെ അണിയറപ്രവർത്തകരുടെ ഫേസ്ബുക്ക് കുറിപ്പ് ഇങ്ങനെ
ജനുവരി 5ന് റിലീസ് തീരുമാനിച്ചു തയ്യാറെടുക്കുകയായിരുന്ന "ആഭാസം" എന്ന ഞങ്ങളുടെ കൊച്ചു സിനിമ, സെൻസർ കുരുക്കിലകപ്പെട്ട്, റിലീസ് നീട്ടിവെച്ച വിവരം വ്യസനസമേതം അറിയിച്ചു കൊള്ളട്ടെ.
ചില ഡയലോഗുകൾ മ്യൂട്ട് ചെയ്താൽ, A സർട്ടിഫിക്കറ്റു തരാമത്രേ. അങ്ങിനൊരു ഔദാര്യം പറ്റാൻ മാത്രം തെറ്റൊന്നും ഞങ്ങൾ ചെയ്തിട്ടില്ല എന്നു വിശ്വസിക്കുന്നത് കൊണ്ടും, ബോർഡിന്റെ രാഷ്ട്രീയ അസഹിഷ്ണുത പ്രകടമായത് കൊണ്ടും ഞങ്ങൾ review സമിതിക്ക് അപ്പീൽ പോവുകയാണ്.
ഇത് വരെ കൂടെ നിന്ന അഭ്യുദയ കാംക്ഷികൾക്കും, സ്നേഹമുള്ള മനസ്സുകൾക്കും നന്ദി പറഞ്ഞു കൊണ്ട്, തുടർന്നും കൂടെയുണ്ടാവണമെന്നു അപേക്ഷിക്കുന്നു.
https://www.facebook.com/Malayalivartha