ബാഹുബലിയിലൂടെ ജനങ്ങളുടെ മനംകവര്‍ന്ന നടനാണ് പ്രഭാസ്. ഹൈദരാബാദില്‍ വളര്‍ന്ന പ്രഭാസിനെ നേടി നിരവധി സിനിമകള്‍ തെലുങ്കില്‍ നിന്നും അത് പോലെ ഹിന്ദിയില്‍ നിന്നും തേടി എത്തിയിട്ടുണ്ട്. ബോളിവുഡ് സിനിമയില്‍ നിന്നും നേരത്തെയും അവസരങ്ങള്‍ തേടിയെത്തിയിരുന്നുവെന്ന് പ്രഭാസ് പറയുന്നു.

ലോകമെങ്ങുമുള്ള പ്രേക്ഷകര്‍ക്ക് മുന്നില്‍ തന്നെ അറിയുന്നത് ബാഹുബലിയിലൂടെയാണ്. ശരിക്കുമൊരു വെല്ലുവിളി കൂടിയായിരുന്നു ആ സിനിമ. പ്രതീക്ഷിച്ചതിനും എത്രയോ അപ്പുറത്തുള്ള വിജയവും പ്രശസ്തിയുമാണ് ബാഹുബലി സമ്മാനിച്ചത്.

ബാഹുബലിക്ക് മുന്‍പ്‌ശേഷം തുടങ്ങി ജീവിതത്തില്‍ ഒരുപാട് മാറ്റങ്ങള്‍ സംഭവിച്ചു. ജീവിതത്തിലെ തന്നെ വലിയൊരു മാറ്റം കൂടിയായിരുന്നു ആ സിനിമയെന്നും പ്രഭാസ് പറയുന്നു.

കൂടെ അഭിനയിക്കുന്ന താരങ്ങളുമായി ചേര്‍ത്ത് പേര് പ്രചരിക്കുന്നത് സ്വാഭാവികമാണ്. കൂടുതല്‍ കാലം ഒരുമിച്ച് അഭിനയിച്ചുവെന്ന തരത്തിലാണ് തന്റെയും അനുഷ്‌കയുടെയും പേരുകള്‍ ചേര്‍ത്തുവെക്കുന്നത്. താനും അനുഷ്‌കയും തമ്മില്‍ നല്ല സൗഹൃദത്തിലാണെന്നും താരം പറയുന്നു.

ബാഹുബലി താരമെന്ന നിലയിലുള്ള താരപദവിയൊന്നും തന്നെ ബാധിച്ചിട്ടില്ല. കുട്ടിക്കാലത്തേയുള്ള സുഹൃത്തുക്കളും സിനിമയിലെ സുഹൃത് ബന്ധവുമൊക്കെ പഴയ പോലെ തന്നെയാണ് നിലനിര്‍ത്തുന്നതെന്നും പ്രഭാസ് പറയുന്നു. എന്റെ ജീവിതം മാറ്റിമറിച്ചത് രക്ഷിതാക്കളാണെന്ന്് പ്രഭാസ് പറഞ്ഞു.