ഷൂട്ടിംഗിന് പോകുമ്പോള്‍ മാതാപിതാക്കളുണ്ടാകുമെന്നും അനാവശ്യ വിവാദങ്ങളില്‍ പെടാതിരിക്കാന്‍ നടിമാര്‍ ശ്രദ്ധിക്കണമെന്നും ഇനിയ
സിനിമയില്‍ വന്നിട്ട് ഒരുപതിറ്റാണ്ടിലധികമായിട്ടും തനിക്കിതുവരെ മോശം അനുഭവങ്ങള്‍ ഉണ്ടായിട്ടില്ലെന്ന് നടി ഇനി. തമിഴിലും മലയാളത്തിലും ഉള്‍പ്പെടെ നിരവധി ചിത്രങ്ങളില്‍ താരം അഭിനയിക്കുകയാണ്. ഷൂട്ടിംഗിന് പോകുമ്പോള്‍ മാതാപിതാക്കളുണ്ടാകും. അനാവശ്യ വിവാദങ്ങളില്‍ പെടാതിരിക്കാന്‍ നടിമാര്‍ ശ്രദ്ധിക്കണം. അതേസമയം പൊതുസ്ഥലങ്ങളില്‍ ഉള്‍പ്പെടെ സ്ത്രീകള്‍ക്ക് പുറത്തിറങ്ങാനാകാത്ത അവസ്ഥ ഇപ്പോഴും നിലനില്‍ക്കുന്നുണ്ടെന്നും ഡബ്ല്യൂ.സി.സിയുടെ വരവ് ആത്മവിശ്വാസം വര്‍ദ്ധിപ്പിക്കുന്നതായും താരം ഒരു സിനിമാ വാരികയ്ക്ക് നല്‍കിയ അഭിമുഖത്തില്‍ വ്യക്തമാക്കി. മമ്മൂട്ടി നായകനായ സ്ട്രീറ്റ്‌ലൈറ്റാണ് ഇനിയയുടെ ഏറ്റവും പുതിയ ചിത്രം.
തമിഴില്‍ നിരവധി ചിത്രങ്ങളില്‍ നായികയായി അഭിനയിച്ചിട്ടുണ്ട് ഇനിയ. വാങ്കൈ സൂടവാ... എന്ന സിനിമയ്ക്ക് മികച്ച ചിത്രത്തിനുള്ള ദേശീയപുരസ്‌ക്കാരം ലഭിച്ചു. മലയാളത്തില്‍ ഇതുവരെ മികച്ച വേഷങ്ങള്‍ കിട്ടിയിട്ടില്ലെന്നും താരം പറയുന്നു. പുത്തന്‍പണത്തിലെ വേഷം നല്ലതായിരുന്നെങ്കിലും വേണ്ട രീതിയില്‍ ശ്രദ്ധിക്കപ്പെട്ടില്ലെന്ന് ഇനിയ പരിഭവിക്കുന്നു. നമ്മളുടെ സമ്മതമില്ലാതെ ആരും നമ്മുടെ മേല്‍ അമിതസ്വാതന്ത്ര്യം കാട്ടില്ല. എവിടെയായാലും ആളുകള്‍ക്ക് നമ്മള്‍ അതിര്‍വരമ്പുകള്‍ ഇടണം. അത് കാരണം ആരും മോശമായി പെരുമാറിയിട്ടില്ല. നല്ല സിനിമയാണെങ്കില്‍ ഐറ്റംഡാന്‍സ് ചെയ്യാനും മടിയില്ലെന്ന് ഇനിയ പറയുന്നു.
ഇനിയ എന്ന പേരിനര്‍ത്ഥം മധുരം എന്നാണ്. തമിഴിലും തെലുങ്കിലും കന്നടയിലും മലയാളത്തിലും അഭിനയിക്കുകയാണ് താരം. ശ്രുതി സാവന്ത് എന്നാണ് താരത്തിന്റെ യഥാര്‍ത്ഥ പേര്. ആ പേരില്‍ പുതുമയില്ലാത്തത് കൊണ്ടാണ് പേര് മാറ്റിയെന്നും വാങ്കെ സൂടെയുടെ സംവിധായകന്‍ എ. സര്‍ഗുണമാണ് ഈ പേരിട്ടത്. മലയാളത്തില്‍ അയാള്‍ എന്ന സിനിമയിലെ വേഷം തമിഴകത്ത് ഉള്‍പ്പെടെ ചര്‍ച്ചയായിരുന്നു. സിനിമയ്ക്ക് സംസ്ഥാന പുരസ്‌ക്കാരം ഉള്‍പ്പെടെ ലഭിച്ചിരുന്നു.
https://www.facebook.com/Malayalivartha
