മലയാള സിനിമയിലെ ആൺ ആധിപത്യത്തിനെതിരായി സിനിമാ മേഖലയിലെ ഒരുകൂട്ടം സ്ത്രീകൾ ചേർന്ന് രൂപീകരിച്ച സംഘടനയാണ് ഡബ്ല്യു സി സി. ഡബ്ല്യു സി സി യുടെ രൂപീകരണമേ മലയാള സിനിമ മേഖലയിൽ വളരെയധികം വിവാദങ്ങൾക്ക് വഴിവച്ചിരുന്നു. മലയാള സിനിമയിൽ നിലവിലുള്ള വിവാദങ്ങൾ ഒരു വശത്തു നിൽക്കുമ്പോളാണ് പുതിയ വിവാദങ്ങള്‍ ഉയർന്ന് വരുന്നത്.

താരസംഘടനയായ അമ്മയില്‍ നിന്ന് വേര്‍പെട്ട് കെ പി എ സി ലളിത പുതിയൊരു സ്ത്രീ സംഘടന രൂപീകരിയ്ക്കുന്നു എന്നായിരുന്നു പുതിയ വാര്‍ത്ത. എന്നാൽ ഈ കാര്യത്തിൽ നടി പ്രതികരിക്കുന്നത് ഈ വാർത്ത തീര്‍ത്തും വാസ്തവ വിരുദ്ധമായ കാര്യമാണ് തനിക്ക് അങ്ങനെ ഒരു ചിന്തയേ ഇല്ല എന്നാണ് .

ഇങ്ങനെ ഒരു സംഘടന രൂപീകരിക്കുന്നതായ കാര്യം ഞാനെവിടെയും കേട്ടിട്ടില്ല, ഞാന്‍ എന്റേതായ ലോകത്താണ്, വിവാദങ്ങളോടൊന്നും താത്പര്യമില്ല. ഒന്നിനോടും പ്രതികരിക്കാനും ഞാനില്ല എന്നാണ് നടി പറയുന്നത്.