കട്ടവെയ്റ്റിംങ് ... ന്യൂജെൻ മലയാള വാക്കുകൾ കേട്ട് കുഴങ്ങി നൈജീരിയൻ നടൻ
ഡിക്ഷ്ണറിയിൽപോലും ഇല്ലാത്ത വളരെയധികം മലയാള പദങ്ങൾ ഇന്ന് മലയാളികൾ ഉപയോഗിക്കുന്നുണ്ട്. അത്തരം ന്യൂജെൻ മലയാള വാക്കുകൾ മലയാളികൾക്ക് ഇപ്പോൾ പരിചിതമാണ്. എന്നാൽ മറ്റൊരു ഭാഷ സംസാരിക്കുന്നയാൾക്ക് അത് മനസിലാക്കാൻ ഡിക്ഷനറിയുടെ സഹായം ആവശ്യമായി വരും. എന്നാൽ ഡിക്ഷ്ണറിയിൽ പോലും ഇല്ലാത്ത വാക്കുകളായാലോ, അത് മനസിലാക്കാൻ ബുദ്ധിമുട്ടാണ്.
അത്തരം ന്യൂജെന് മലയാള വാക്കുകൾ കേട്ട് അന്തം വിട്ട് നിൽക്കുകയാണ് നൈജീരിയന് നടന് സാമുവല് റോബിന്സണ്.
സൗബിന് ഷാഹിറിനെ കേന്ദ്ര കഥാപത്രമാക്കി നവാഗതനായ സക്കറിയ മുഹമ്മദ് സംവിധാനം ചെയ്യുന്ന ചിത്രമാണ് സുഡാനി ഫ്രം നൈജീരിയ. ഈ ചിത്രത്തിലൂടെ മലയാള സിനിമയിലേക്കെത്തുകയാണ് നൈജീരിയന് നടനായ സാമുവല് റോബിന്സണ്. മലപ്പുറത്തെ സെവന്സ് ഫുട്ബോള് പശ്ചാത്തലമായെത്തുന്ന സിനിമയുടെ ചിത്രീകരണം കഴിഞ്ഞ് പോസ്റ്റ് പ്രൊഡക്ഷന് ജോലികള് പുരോഗമിക്കുകയാണ് ഇപ്പോള്.
എന്നാല് ചിത്രം തിയേറ്ററിലെത്തും മുൻപേ ഇപ്പോള് സോഷ്യല് മീഡിയയില് തരംഗമായിരിക്കുന്നത് സാമുവല് റോബിന്സന്റെ ഒരു ഫെയ്സ്ബുക്ക് പോസ്റ്റാണ് . റോബിന്സണിന്റെ ഇന്സ്റ്റാഗ്രാം അക്കൗണ്ടില് ലഭിച്ച ന്യൂജെന് മലയാള വാക്കുകളുടെ അര്ത്ഥമാണ് താരം പോസ്റ്റിലൂടെ അന്വേഷിക്കുന്നത്.
പൊളി, കട്ടവെയ്റ്റിംങ്, കിടുവേ തുടങ്ങിയ വാക്കുകളുടെ അര്ത്ഥം അന്വേഷിച്ച താരത്തിന് ലഭിച്ച മറുപടിയും മലയാളത്തില് ആയതിനാല് കൂടുതല് ആശയകുഴപ്പത്തിലാക്കി. എന്തായാലും മലയാളം പഠിക്കാനുള്ള തയാറെടുപ്പിലാണ് റോബിന്സണ് ഇപ്പോള്.
https://www.facebook.com/Malayalivartha
