മലയാളത്തിൽ അങ്കത്തിനൊരുങ്ങി വിജയ് സേതുപതി ; ജാലിയൻവാലാബാഗിന്റെ ഫസ്റ്റ് ലുക്ക് പോസ്റ്റർ സോഷ്യൽ മീഡിയയിൽ വൈറൽ
കോളിവുഡിലെന്ന പോലെ തന്നെ മലയാളത്തിലും വളരെയെറെ ആരാധകരുള്ള താരമാണ് വിജയ് സേതുപതി. ചുരുങ്ങിയ കാലം കൊണ്ടു തന്നെ തമിഴ് ചലച്ചിത്ര മേഖലയിൽ തന്റെതായൊരു ഇടം കണ്ടെത്താൻ വിജയ്ക്കു കഴിഞ്ഞു. ഒടുവിലെത്തിയ വിക്രം വേദ കഴിഞ്ഞ വർഷം തമിഴ് സിനിമ കണ്ട ഏറ്റവും വലിയ ഹിറ്റായിരുന്നു.
ഭിനേഷ് അപ്പുക്കുട്ടൻ സംവിധാനം ചെയ്യുന്ന മലയാള ചിത്രം ജാലിയൻ വാലാബാഗിലൂടെ മലയാളത്തിലേക്കെത്തുകയാണ് ആരാധകരുടെ സ്വന്തം മക്കൾ സേതുപതി. ചിത്രത്തിന്റെ ഫസ്റ്റ് ലുക്ക് പോസ്റ്റർ തന്റെ ഫെയ്സ്ബുക്ക് പേജിലൂടെ താരം തന്നെയാണ് പുറത്തിറക്കിയത്.
ഒരു ഗവൺമെന്റ് ഹോസ്റ്റലിന്റെ കഥ പറയുന്ന ചിത്രമാണ് ജാലിയൻ വാലാബാഗ്. മെക്സിക്കൻ അപാരതയുടെ അസിസ്റ്റന്റ് ഡയറക്ടറായ അഭിനേഷ് അപ്പുക്കുട്ടൻ ആദ്യമായി സംവിധാനം ചെയ്യുന്ന ചിത്രമാണിത്. മെക്സിക്കൻ അപാരതയുടെ തന്നെ കോ പ്രൊഡ്യൂസർമാരായ ലിന്റോ തോമസും പ്രിൻസ് ഹുസൈനുമാണ് സ്റ്റോറീസ് ആന്റ് തോട്ട്സിന്റെ ബാനറിൽ ഈ ചിത്രം നിർമ്മിക്കുന്നത്.
https://www.facebook.com/Malayalivartha