ആമിയായി ആദ്യം വിദ്യാബാലനെയായിരുന്നു നിശ്ചയിച്ചിരുന്നത്. എന്നാല്‍ ചില കാരണങ്ങളാല്‍ വിദ്യാബാലന്‍ ഒഴുവായി. ആമിയില്‍ വിദ്യാബാലന്‍ അഭിനയിക്കത്തതില്‍ തനിക്ക് ഇപ്പോള്‍ സന്തോഷം മാത്രമാണ് ഉള്ളതെന്ന് സംവിധായകന്‍ കമല്‍. വിദ്യ അഭിനയിച്ചിരുന്നെങ്കില്‍ സിനിമയില്‍ ലൈംഗീക രംഗങ്ങള്‍ കടന്ന് വരുമായിരുന്നു എന്നാല്‍ മഞ്ജു ചെയ്യുന്ന ആമിയില്‍ അത്തരം രംഗങ്ങള്‍ ഇല്ലെന്ന് ഒരു ഓണ്‍ലൈന്‍ മാധ്യമത്തിന് നല്‍കിയ അഭിമുഖത്തില്‍ അദ്ദേഹം പറഞ്ഞു.

വിദ്യ ചെയ്യേണ്ട ആമിയല്ല മഞ്ജു ചെയ്യുന്നതെന്നും അദ്ദേഹം കൂട്ടിച്ചേര്‍ത്തു. വിദ്യാബാലന്‍ ബാഹ്യപ്രേരണകളുടെ കാരണത്താല്‍ സിനിമയില്‍ നിന്നും സ്വയം പിന്മാറുകയായിരുന്നു അതില്‍ തനിക്കിന്ന് സന്തോഷമെ ഉള്ളുവെന്നും അദ്ദേഹം പറഞ്ഞു.

എന്നാല്‍ കമലിന്റെ ഈ പ്രസ്താവനയ്ക്ക് രൂക്ഷഭാഷയിലാണ് മാധവിക്കുട്ടി ആരാധകര്‍ മറുപടി നല്‍കുന്നത്. കപട സദാചാര ബോധത്തെ എന്നും തന്റെ കൃതികളിലൂടെ വിമര്‍ശിച്ചിരുന്ന മാധവിക്കുട്ടി ഇന്ന് ജീവിച്ചിരുന്നെങ്കില്‍ ചൂല് കൊണ്ട് തന്നെ തല്ലിയോടിക്കുമായിരുന്നു എന്ന് അവര്‍ പറയുന്നു.