മോഹൻലാലിൻറെ അപരനായി തിളങ്ങിയ മദൻ ലാൽ വീണ്ടും മലയാളത്തിലേക്ക് കടന്നു വരുന്നു
1990 ല് വിനയന് സംവിധാനം ചെയ്ത സൂപ്പര്സ്റ്റാര് എന്ന സിനിമയില് മോഹന്ലാലിന്റെ അപരനായി അഭിനയിച്ച മദന് ലാല് വീണ്ടും സിനിമയിലേക്ക് തിരിച്ചു വരുന്നു. കലാഭവൻ മണിയുടെ ജീവിതത്തെ ആസ്പദമാക്കി വിനയൻ സംവിധാനം ചെയ്യുന്ന ചാലക്കുടിക്കാരന് ചങ്ങാതി എന്ന ഏറ്റവും പുതിയ ചിത്രത്തിലൂടെയാണ് മദന് ലാല് വീണ്ടും സിനിമയിലേക്ക് എത്തുന്നത്.
തമിഴ് സിനിമ നിര്മാതാവിന്റെ വേഷത്തിലാണ് മദന്ലാല് തന്റെ പുതിയ ചിത്രത്തില് എത്തുന്നത്. മോഹന്ലാലിന്റെ അപരനായി സിനിമയിലേക്ക് കടന്നു വന്ന് ഏറെ പ്രേക്ഷക ശ്രദ്ധ നേടിയ താരമാണ് മദന്ലാല്. 25 വര്ഷങ്ങള്ക്ക് ശേഷമാണ് അദ്ദേഹം വീണ്ടും സിനിമയിലെത്തുന്നത്. വിനയന്റെ സൂപ്പര്സ്റ്റാറിന് പുറമെ 1993ല് പിജി വിശ്വംഭരന് സംവിധാനം ചെയ്ത പ്രവാചകനിലും മദന്ലാല് അഭിനയിച്ചിട്ടുണ്ട്.
ചാലക്കുടിക്കാരന് ചങ്ങാതി കലാഭവന് മണിയുടെ സിനിമ ജീവിതവുമായി ബന്ധപ്പെട്ട അനുഭവങ്ങള് പങ്കുവയ്ക്കുന്ന ച്ചിത്രമാണ്. ചാലക്കുടിക്കാരന് ചങ്ങാതി കലാഭവന് മണിക്കുള്ള സമര്പ്പണം ആണെന്നും വിനയന് പറയുന്നു.
https://www.facebook.com/Malayalivartha
