നടി ഭാവനയുടെ വിവാഹവേദിയില്‍ ഏറ്റവും മിന്നിത്തിളങ്ങിയത് മഞ്ജു വാര്യറായിരുന്നു. പ്രിയതോഴിയുടെ മാംഗല്യം ഏറ്റവുമധികം സന്തോഷിപ്പിക്കുന്നതും ഒരു പക്ഷെ മഞ്ജുവിനെയായിരിക്കും.ഭാവനയുടെ കല്യാണത്തിനു പിന്നാലെ ഹൃദയംകവരുന്ന കുറിപ്പുമായി മഞ്ജു രംഗത്തെത്തുകയും ചെയ്തു. അഭിനന്ദനങ്ങള്‍ എന്റെ ഈ പ്രിയപ്പെട്ട കൂട്ടുകാര്‍ക്ക് എന്ന് തുടങ്ങുന്ന കുറിപ്പില്‍ ഒരുമിച്ചുള്ള യാത്ര അവിസ്മരണീയവും മനോഹരവും ആയിരിക്കട്ടെയെന്ന് മഞ്ജു കുറിച്ചു.

ചുരുക്കം ചില അതിഥികള്‍ ക്ഷണിക്കപ്പെട്ട ഭാവനയുടെ വിവാഹനിശ്ചയത്തിന് നിറസാന്നിധ്യമായിരുന്നു മഞ്ജു വാര്യര്‍. സഹപ്രവര്‍ത്തക മാത്രമല്ല മഞ്ജുവിന്റെ അടുത്ത സുഹൃത്തുകൂടിയായ ഭാവനയുടെ വിവാഹത്തിനും തുടക്കം മുതലെ മഞ്ജു ഉണ്ടായിരുന്നു.

ഭാഗ്യലക്ഷ്മി, രേഖ എന്നിവരോടൊപ്പമാണ് മഞ്ജുവും നവ്യയും വിവാഹ വേദിയില്‍ എത്തിയത്. നാല് പേരും ചേര്‍ന്ന് വധൂവരന്മാരോടൊപ്പം ഫോട്ടോയെടുത്തു. നവ്യയായിരുന്നു ഭാവനയുടെ അടുത്ത് നിന്നത്. ഫോട്ടോഗ്രാഫര്‍മാര്‍ ഒന്നടങ്കം മഞ്ജുവിനോട് ഭാവനയുടെ അടുത്ത് നില്‍ക്കാന്‍ ആവശ്യപ്പെട്ടു. മഞ്ജു വേണ്ടെന്ന് ചിരിച്ചുകൊണ്ട് പറഞ്ഞു. എന്നാല്‍ നവ്യ പെട്ടെന്ന് വരന്റെ ഭാഗത്ത് നില്‍ക്കുന്ന ഭാഗ്യലക്ഷ്മിയുടെ അടുത്തേക്ക് നീങ്ങി. ഭാവന വേഗം മഞ്ജുവിനെ ചേര്‍ത്ത് പിടിച്ച് നിര്‍ത്തി. കുറച്ച് ഫോട്ടോസ് എടുത്തതിനു ശേഷം മഞ്ജുവിനോട് ഫോട്ടോഗ്രാഫര്‍ ഒരു സെല്‍ഫിയെടുക്കാന്‍ ആവശ്യപ്പെട്ടു. മഞ്ജു അതൊന്നും വേണ്ടെന്ന് പറഞ്ഞെങ്കിലും പിന്നീട് എടുക്കാന്‍ തയാറായി. അതിന് ശേഷം മറ്റേ അറ്റത്ത് നിന്നും നവ്യയും സെല്‍ഫിയെടുത്തു.

വേദി വിടുമ്പോള്‍ ഭാവനെയെ കെട്ടിപ്പിടിച്ച് കവിളില്‍ ഒരുമ്മ കൊടുത്തു. ഞാന്‍ ഇവിടെ തന്നെയുണ്ടാകുമെന്ന് മഞ്ജു ഭാവനയോട് പറഞ്ഞ് വേദിയില്‍ നിന്നും ഇറങ്ങി