സഹോദരൻ ശ്രീജീവിന്റെ മരണത്തിൽ നീതിക്ക് വേണ്ടി ഒറ്റയാൾപ്പോരാട്ടം നടത്തുന്ന ശ്രീജിത്തിന്റേയും സിനിമ നടൻ ദിലീപിന്റേയും ജീവിതം ആസ്പദമാക്കി മലയാള ചിത്രം ഒരുങ്ങുന്നു. പ്രമുഖർ എന്നാണ് ചിത്രത്തിന് പേരിട്ടിരിക്കുന്നത്. ചിത്രത്തിൽ മലയാളത്തിലെ പ്രമുഖതാരങ്ങളും ഉണ്ടാകുമെന്നാണ് റിപ്പോർട്ടുകൾ.

നവാഗതരായ ബാസിൽ ഹുസൈനും ഷാൻഎംഎസും ചേർന്നാണ് ചിത്രം സംവിധാനം ചെയ്യുന്നത്. ചിത്രത്തിന്റെ ക്യാമറ ചലിപ്പിക്കുന്നതും സംഗീതമൊരുക്കുന്നതും നവാഗതരാണ്. ശ്രീരാഗ് ആണ് സംഗീതമൊരുക്കുന്നത്. ‘അൻവർ’, ‘സാഗർ എലിയാസ് ജാക്കി’ എന്നി ചിത്രത്തിൽ ഛായാഗ്രഹണ സഹായിയായിരുന്ന ഷിനോയ് ഗോപിനാഥാണ് ക്യാമറ ചലിപ്പിക്കുന്നത്.

സോളോ എന്റർടറ്റായിനെമെന്റിന്റെ ബാനറിൽ സോളമൻ വർഗീസ് നിർമിക്കുന്ന ഈ ചിത്രത്തിന്റെ ചിത്രീകരണം അടുത്ത മാസം മുതൽ തുടങ്ങുമെന്നാണ് സൂചന.