ആദ്യ ചിത്രം ആദി റിലീസ് ആകും മുമ്പ് പ്രണവ് മോഹന്ലാല് താരമായിക്കഴിഞ്ഞു; വലിയ സംവിധായകരും നിര്മാതാക്കളും പ്രണവിന്റെ ഡേറ്റിനായി കാത്തിരിക്കുന്നു
പ്രണവ് മോഹന്ലാല് നായകനായി അരങ്ങേറുന്ന ജീത്തു ജോസഫ് ചിത്രം ആദി ഈ മാസം 26 ന് റിലീസ് ചെയ്യാനിരിക്കെ ആരാധകര്ക്ക് സന്തോഷിക്കാന് പുതിയ വാര്ത്ത. നിരവധി പ്രമുഖ സംവിധായകരുടെ ചിത്രങ്ങളില് പ്രണവ് നായകനായി എത്തും. ഇത് സംബന്ധിച്ച ചര്ച്ചകള് പുരോഗമിക്കുകയാണ്. ഹിറ്റ് സിനിമകളുടെ സംവിധായകനും നിര്മ്മാതാവുമായ അന്വര് റഷീദിന്റെ അടുത്ത ചിത്രത്തിലെ നായകന് പ്രണവ് മോഹന്ലാലാണ്. അന്വര് റഷീദ് തന്നെ നിര്മ്മിക്കുന്ന ചിത്രത്തിന്റെ കൂടുതല് വിവരങ്ങള് ലഭ്യമല്ല. ബാംഗ്ലൂര് ഡേയ്സ്, പ്രേമം,പറവ എന്നീ ഹിറ്റ് ചിത്രങ്ങള് നിര്മ്മിച്ച അന്വറിന്റെ പുതിയ ചിത്രവും ഹിറ്റ് ചാര്ട്ടില് ഇടം നേടുമെന്നാണ് ആരാധകരുടെ പ്രതീക്ഷ. താരപുത്രനായ ദുല്ക്കര് സല്മാന്റെ രണ്ടാം ചിത്രമായ ഉസ്താദ് ഹോട്ടല് ഒരുക്കിയത്. അന്വര് റഷീദായിരുന്നു.
അന്വറിന്റെ രണ്ടാമത്തെ ചിത്രമായ ഛോട്ടാമുംബയില് മോഹന്ലാലായിരുന്നു നായകന്. ചിത്രം വലിയ ഹിറ്റായിരുന്നു. മലയാള സിനിമയില് ഇതുവരെ പരാജയങ്ങള് സംഭവിക്കാത്ത സംവിധായകനാണ് അന്വര് റഷീദ്. ഇതേ തുടര്ന്നാണ് പ്രണവ് അന്വറിന്റെ സിനിമയില് അഭിനയിക്കാന് തീരുമാനിച്ചത്. മുമ്പ് പ്രിയദര്ശന് അടക്കമുള്ള പല സംവിധായകരും പ്രണവിനെ നായകനാക്കി സിനിമ ചെയ്യാന് ആലോചിച്ചിരുന്നെങ്കിലും തനിക്ക് ജിത്തുജോസഫിന്റെ സിനിമയില് നായകനായി തുടങ്ങണം എന്നാണ് പ്രണവ് തീരുമാനിച്ചത്. ജിത്തുജോസഫ് സംവിധാനം ചെയ്ത പാപനാശം, ലൈഫ് ഓഫ് ജോസൂട്ടി എന്നീ ചിത്രങ്ങളില് പ്രണവ് അസിസ്റ്റന്റ് ഡയറക്ടറായിരുന്നു.
മമ്മൂട്ടി. സുരേഷ് ഗോപി, ജയറാം, മണിയന്പിള്ള രാജു തുടങ്ങിയവരുടെ മക്കള് നായകന്മാരായി സിനിമയില് തിളങ്ങുമ്പോഴാണ് പ്രണവും എത്തുന്നത്. സാധാരണ യാതൊരു ടെന്ഷനും ഉണ്ടാകാത്ത മോഹന്ലാലിന് ആദിയുടെ പൂജയുടെ സമയത്ത് വലിയ ടെന്ഷനായിരുന്നു. ഇക്കാര്യം അദ്ദേഹം തന്നെ തുറന്ന് പറയുകയും ചെയ്തു. സിനിമ റിലീസാകുന്നതിന് മുന്നോടിയായി മമ്മൂട്ടിയുടെ അനുഗ്രഹം തേടി പ്രണവും മോഹന്ലാലും ഭാര്യ സുചിത്രയും അദ്ദേഹത്തിന്റെ വീട്ടിലെത്തിയിരുന്നു.
https://www.facebook.com/Malayalivartha