നടി ഭാവനയുടെ വിവാഹത്തിന് ക്ഷണിക്കാത്തതിൽ ഇന്നസെന്റിന് പറയാനുള്ളത്...
തൃശൂര് തിരുവമ്പാടി ക്ഷേത്രത്തില് വച്ച് അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു നടി ഭാവനയുടെ വിവാഹം. ചലച്ചിത്ര മേഖലയില് നിന്നുള്ളവര്ക്കായി തൃശ്ശൂര് ലുലു കണ്വെന്ഷന് സെന്ററിൽ സത്കാര ചടങ്ങുകള് നടത്തിയിരുന്നു. എന്നാൽ വിവാഹത്തിന് താരസംഘടനയായ പ്രസിഡന്റ് ഇന്നസെന്റും സെക്രട്ടറി ഇടവേള ബാബുവും അടക്കമുള്ള 'അമ്മ' ഭാരവാഹികളെ ക്ഷണിച്ചിരുന്നില്ല. അമ്മയിലുള്ളവരിൽ ആകെ ക്ഷണിച്ചത് മമ്മൂട്ടിയെ മാത്രമാണ്. വിവാഹത്തിന് തന്നെ ക്ഷണിക്കാത്തതിൽ പരാതിയോ പരിഭവമോ ഇല്ലെന്നും, ക്ഷണിക്കാത്തതിന് പ്രത്യേക കാരണങ്ങൾ ഉണ്ടോ എന്ന് അറിയില്ല എന്നും ഇന്നസെന്റ് പ്രതികരിച്ചു.
മഞ്ജുവാര്യര്, നവ്യ നായര്, റിമ കല്ലിങ്കല്, ഭാമ, രചന നാരായണന്കുട്ടി, മിയ, ലെന, ഷംന കാസിം, ശരണ്യ, ലക്ഷ്മി പ്രിയ, ആര്യ, ഡബ്ബിങ് ആര്ട്ടിസ്റ്റ് ഭാഗ്യലക്ഷ്മി, ഗായിക സയനോര തുടങ്ങിയവര് ക്ഷേത്രത്തിലെ താലികെട്ടിനു തന്നെ എത്തി. വൈകീട്ട് ചടങ്ങുകള് പൂര്ത്തിയായ ശേഷമാണ് ഇവര് മടങ്ങിയത്. വിവാഹത്തിന് ക്ഷണിച്ചിരുന്നില്ലെങ്കിലും അമ്മ എക്സിക്യൂട്ടീവ് കമ്മിറ്റി അംഗവുമായ നടന് സിദ്ദീഖ് രാവിലെ ജവഹര് കണ്വെന്ഷന് സെന്ററിലെ ചടങ്ങില് പങ്കെടുത്തിരുന്നു. സംവിധായകന് ആഷിക് അബു, കലാഭവന് ഷാജു, പൃഥ്വിരാജ്, മനോജ് കെ. ജയന്, അനൂപ് മേനോന്, ടൊവീനോ തോമസ്, മനോജ് കൃഷ്ണ, ബൈജു കൊട്ടാരക്കര, നിര്മാതാവ് ലിബര്ട്ടി ബഷീര് തുടങ്ങിയവര് വൈകുന്നേരം ലുലു കണ്വെന്ഷന് സെന്ററിലെ ചടങ്ങിനെത്തിയിരുന്നു.
https://www.facebook.com/Malayalivartha