ഇവൻ അച്ഛനെ കടത്തിവെട്ടും...മകന്റെ വിസ്മയ പ്രകടനം വിലയിരുത്തി സുചിത്ര
പ്രണവ് മോഹന്ലാല് ആദ്യമായി നായകനായ ആദിയുടെ ആദ്യ ഷോ തിയേറ്ററില് ഹൗസ് ഫുള്ളായി ഓടുകയാണ്. വന് ആഷോഷത്തോടെയാണ് യുവതാരത്തിന്റെ സിനിമയെ പ്രേഷകര് സ്വീകരിച്ചത്. വലിയ ആഘോഷത്തോടെ തന്റെ മകന്റെ സിനിമയെ സ്വീകരിക്കാനുള്ള ക്രമീകരണമാണ് മോഹന്ലാല് നടത്തുന്നത്. പ്രണവിന്റെ ആദി മോഹന്ലാല് കാണുന്നത് മുംബൈയിലായിരിക്കും. അതേ സമയം മകന്റെ അഭിനയ പ്രകടനം കാണാൻ ന്യൂ തീയേറ്ററിലെത്തിയ സുചിത്ര ശരിക്കും ടെൻഷനിലായിരുന്നു.
മോഹൻലാലിൻറെ നിരവധി അഭിനയ മുഹൂർത്തങ്ങളിലൂടെ ആരാധികയായി അവസാനം ഇഷ്ട നടനെത്തന്നെ വിവാഹവും കഴിച്ചു. ഈ മഹാ നടന്റെ ഭാര്യ ആയിരുന്നിട് കൂടി ഏതൊരു അമ്മയെ പോലെ സ്വന്തം മകന്റെ കാര്യത്തിൽ സുചിത്രയ്ക്ക് ടെൻഷൻ ആയിരുന്നു. സിനിമ തുടങ്ങി കഴിഞ്ഞ് പ്രണവിന്റെ അഭിനയം കത്തിപ്പടർന്നതോടെ അത് സന്തോഷത്തിലേയ്ക്ക് വഴിമാറി. മകന്റെ വിസ്മയ പ്രകടനം കണ്ട് പലപ്പോഴും ലാലേട്ടന്റെ പ്രകടനമാണ് മനസ്സിൽ ഓടിയെത്തിയത്. ചില സന്ദർഭത്തിൽ മോഹൻലാലിനെ പോലും കടത്തിവെട്ടുന്നതായി തോന്നി. സിനിമ കണ്ടിറങ്ങിയപ്പോൾ അക്ഷരാർത്ഥത്തിൽ സുചിത്രയുടെ കണ്ണ് നിറഞ്ഞുപോയി. ഈ സന്തോഷം പൊടുന്നനെ തന്നെ ലാലേട്ടനെ വിളിച്ചരിക്കയും ചെയ്തു.
സുഹൃത്തുക്കളോടും ബന്ധുക്കളോടും മകന്റെ അഭിനയത്തെ പറ്റിയുള്ള അഭിപ്രായങ്ങളും സ്വരൂപിച്ചു. സിനിമ ലോകത്തുൾപ്പെടെയുള്ള സുഹൃത്തുക്കൾ ഒന്നടങ്കം പറഞ്ഞത് പ്രണവിന് അവന്റേതായ ശൈലിയുണ്ട് ലാലേട്ടന്റെ ആക്ടിങ്ങിലുള്ള ഈസിനെസും പ്രണവിനുണ്ട്. ഒരു തുടക്കക്കാരന്റെ അഭിനയ പ്രശനങ്ങളൊന്നും പ്രണവിനില്ല. നന്നായി തന്നെ അഭിനയിച്ചിട്ടുണ്ടെന്ന് സുഹൃത്തുക്കളും പറഞ്ഞതോടെ അത് ഇരട്ടി സന്തോഷമായി. ഇനി ഉള്ള നാളുകൾ പ്രണവിന്റേതായിരിക്കുമെന്ന് അവർ വിലയിരുത്തി.
പ്രണവ് മോഹന്ലാലിന്റെ അരങ്ങേറ്റ സിനിമയായ ആദിയില് അച്ഛന് മോഹന്ലാലും ആന്റണി പെരുമ്പാവൂരും അതിഥി താരങ്ങളായി വേഷമിട്ടു. സംഗീതം മാത്രം സ്വപ്നം കണ്ടു നടക്കുന്ന ആദിത്യ മോഹന് എന്ന കഥാപാത്രത്തെയാണ് പ്രണവ് ചിത്രത്തിൽ അവതരിപ്പിച്ചിരിക്കുന്നത്. തന്റെ സ്വപ്നവും അത് നേടിയെടുക്കാനുള്ള ഒരു ചെറുപ്പക്കാരന്റെ ഓട്ടവും അതിനിടയിൽ ജീവിതത്തിൽ അപ്രതീക്ഷിതമായി നടക്കുന്ന സംഭവ വികാസങ്ങളുമാണ് ചിത്രത്തിന്റെ പ്രമേയം.
ത്രില്ലര് ഗണത്തില് സസ്പെന്സ് നിറഞ്ഞ ആദി പ്രണവിന്റെ ഒരു മാസ്സ് എൻട്രി തന്നെയാണ്. മലയാളത്തിലെ താര രാജാവ് മോഹൻലാലിന്റെ മകൻ എന്നത്കൊണ്ട് തന്നെ പ്രണവിന്റെ അഭിനയം എല്ലാവരും ഉറ്റുനോക്കുന്ന ഒന്നാണ്. താരരാജാവിന്റെ മകന് എന്ന ലേബലിലെത്തിയ പ്രണവിന് ആരാധകരുടെ വന് വരവേല്പ്പാണ് കിട്ടിയിരിക്കുന്നത്. മോഹൻ ലാലിന്റെ അഭിനയ മികവ് മകനും പുലർത്തി.
https://www.facebook.com/Malayalivartha