പ്രണവ് മോഹന്‍ലാല്‍ നായകനായി അരങ്ങേറ്റം നടത്തിയ പുതിയ ചിത്രം ആദി തീയേറ്ററിൽ എത്തിയതിന് പിന്നാലെ പ്രണവിന് ആശംസകളുമായി നടി നടി മഞ്ജു വാര്യർ. ജീത്തു ജോസഫ് സംവിധാനം ചെയ്ത ആദി മികച്ച പ്രതികരണവുമായി മുന്നേറുന്നതിനിടെയാണ് മഞ്ജുവിന്റെ ആശംസ.

പ്രിയപ്പെട്ട അപ്പു,ആശംസകള്‍,അഭിനന്ദനങ്ങള്‍! അച്ഛനോളവും അതിനു മീതെയും വളരാന്‍ ദൈവം അനുഗ്രഹിക്കട്ടെ! എന്നാണ് മഞ്ജു തന്റെ ഫേസ്ബുക്ക് പേജിൽ കുറിച്ചത്. ഇരുന്നൂറോളം തീയേറ്ററുകളിൽ റിലീസ് ചെയ്ത ചിത്രത്തിന് മികച്ച അഭിപ്രായമാണ് ലഭിക്കുന്നത്. നേരത്തെ മമ്മൂട്ടിയും ദുൽക്കറും അടക്കമുള്ളവർ പ്രണവിന് ആശംസകൾ നേർന്നിരുന്നു.

ആന്റണി പെരുമ്പാവൂർ നിർമ്മിക്കുന്ന ചിത്രത്തിൽ സിദ്ധിഖ്, അതിഥി രവി, അനുശ്രീ, ഷറഫുദ്ദീന്‍, ലെന, സിജു വില്‍സണ്‍ തുടങ്ങിയവര്‍ പ്രധാന കഥാപാത്രങ്ങളെ അവതരിപ്പിക്കുന്നു.