പ്രേമത്തിലെ മലര്‍ മിസ്സിന്റെ ഇമേജൊക്കെ നടി സായ് പല്ലവി പൊളിച്ചെഴുതി കഴിഞ്ഞു. തെലുങ്ക് ചിത്രങ്ങളുമായി സജീവമാകുന്ന സായ് പല്ലവിയേക്കുറിച്ച് പക്ഷേ സഹ താരങ്ങളില്‍ നിന്നു വരുന്നത് അത്ര സുഖകരമായ അഭിപ്രയങ്ങളല്ല. മിഡില്‍ €ാസ് അബ്ബായി എന്ന ചിത്രത്തിന്റെ ഷൂട്ടിങിനിടെ സായ് പല്ലവിയുടെ പെരുമാറ്റം കാരണം നടന്‍ നാനി സെറ്റില്‍ നിന്നിറങ്ങി പോയത് വാര്‍ത്തയായിരുന്നു. ഇതിനു പിന്നാലെ കഴിഞ്ഞ ദിവസം 'കാരു' വിലെ നായകന്‍ നാഗശൗര്യയും സായിയെ വിമര്‍ശിച്ച് രംഗത്തെത്തിയിരുന്നു. സെറ്റില്‍ വളരെ മോശമായിട്ടാണ് നടിയുടെ പെരുമാറ്റം. തെലുങ്കിലെയും സെറ്റിലെയും എല്ലാവരേയുംകാള്‍ വലുത് താനാണെന്ന ഭാവമാണുള്ളതെന്നുമാണ് നാഗശൗര്യ തുറന്നടിച്ചത്.

ഇപ്പോള്‍ സായിയേക്കുറിച്ച് വലിയ താല്‍പ്പര്യമില്ലാതെ പ്രതികരിച്ചിരിക്കുന്നത് നടന്‍ വിക്രമാണ്. വിക്രം നായകനായി എത്തിയ സ്‌കെച്ചില്‍ ആദ്യം പരിഗണിച്ചത് സായിയേയാണ്. കരാര്‍ ഒപ്പിട്ട നടി പക്ഷേ അവസാന നിമിഷം കാര്യം വ്യക്തമാക്കാതെ പിന്മാറുകയായിരുന്നു. ഇതോടെയാണ് തമന്ന നായികയായി എത്തിയത്. ഇതേക്കുറിച്ച് ഒരു അഭിമുഖത്തില്‍ ചോദിച്ചപ്പോഴായിരുന്നു വിക്രമിന്റെ പ്രതികരണം. 'ഈ വേഷം ചെയ്യാന്‍ സായിയേക്കാള്‍ എന്തുകൊണ്ടും യോഗ്യ തമന്ന തന്നെയാണ്' എന്നായിരുന്നു നടന്റെ പ്രതികരണം. ഇത് കേട്ട് ഞെട്ടലിലാണ് സായിയുടെ ആരാധകര്‍.