തെന്നിന്ത്യന്‍ നടി തൃഷ മലയാളത്തില്‍ അരങ്ങേറ്റം കുറിക്കുന്ന ചിത്രമാണ് ഹേ ജൂഡ്. ശ്യാമപ്രസാദ് ആണ് ചിത്രത്തിന്റെ സംവിധായകൻ. നിവിന്‍ പോളി നായകനാകുന്ന ഈ ചിത്രം മനോഹരമായ പ്രണയത്തിന്റേയും സ്വയം തിരിച്ചറിയലിന്റെയും കഥയാണ്. ചിത്രം റിലീസ് ചെയ്യാനിരിക്കെ ഒരു രഹസ്യം വെളിപ്പെടുത്തിയിരിക്കുകയാണ് ഗായിക സയനോര. മറ്റൊന്നുമല്ല ചിത്രത്തിൽ നായികയായ തൃഷയ്ക്ക് ശബ്ദം നൽകിയിരിക്കുന്നത് സയനോരയാണ്. തന്റെ ഫേസ്ബുക്ക് പേജിലൂടെയാണ് സയനോര ഇക്കാര്യം വെളിപ്പെടുത്തിയത്.

സയനോരയുടെ ഫേസ്ബുക്ക് കുറിപ്പ്;

ഒരു ചെറിയ വിശേഷം പറയാനുണ്ട്. ചെറുതല്ല ഇമ്മിണി വെല്യ വിശേഷം തന്നെ. നാളെ റിലീസ് ആകാൻ പോകുന്ന Nivin Pauly ചിത്രം "ഹേ ജൂഡി"ലെ തൃഷയുടെ ശബ്ദം ശരിക്കും കേട്ടു നോക്കണേ! അത് ഞമ്മന്റേതാ ഞമ്മന്റേതാ☺️☺️☺️തെന്നിന്ത്യൻ നായിക തൃഷയ്ക്ക് വേണ്ടി എന്റെ ശബ്ദത്തെ പരീക്ഷിച്ചു നോക്കാൻ തയ്യാറായ Shyamaprasad Rajagopalസർ ന് ഒരു പാട് താങ്ക്സ് !ഈ ഡബ്ബിങ്ങിന് മുഴുനീളം കൂടെ ഇരുന്നു ഡയലോഗ് റെൻഡറിങ് നു സഹായിച്ച അമൃതക്കും,അജയിനും,ഷിജിത്തിനും , അനുബിനും ! ആദ്യമായ് ഡബ് ചെയ്ത ഷോർട്ട് ഫിലിം "റാബിറ്റ് ഹോൾ" ന്റെ സംവിധായിക സൗ സദാനന്ദനും... really not able to hold back my happiness! Excited to be a part of this superb crew.Sang 2 wonderful songs for my dear ouseppachan sir too.
Humbled,blessed.