ദുൽഖർ സൽമാൻ സിനിമയിൽ എത്തിയിട്ട് ആറു വർഷങ്ങൾ പിന്നിടുന്നു. വ്യത്യസ്തമായ വേഷങ്ങളാണ് ദുൽഖർ ചെയ്തത്. അഭിനയത്തിലും വ്യക്തിത്വത്തിലും ലുക്കിലും പ്രേക്ഷകരുടെ മനസ്സു കീഴടക്കി. ദുൽഖർ ആരാധന എത്രത്തോളം ഉണ്ടെന്നു തെളിയിക്കുന്ന ഒരു വീഡിയോ അതും കർണാടകയിൽ നിന്നും.

ബാംഗ്ലൂർ ക്രൈസ്റ്റ് കോളജിലെ വിദ്യാർഥികളാണ് ഇതിനു പിന്നിൽ. പാട്ടും ഡാന്‍സുമായി താരത്തിന്റെ സിനിമ പ്രവേശന വാർഷികം അവർ ആഘോഷമാക്കി.

തന്നെ അമ്പരപ്പിച്ച വിഡിയോ സമൂഹമാധ്യമത്തിലൂടെ ദുൽഖർ പങ്കുവച്ചതോടെ സംഗതി വൈറലായി. ഊർജ്ജസ്വലമായി ചുവടുവെച്ച ഈ യുവ സൂപ്പർതാരങ്ങൾക്ക് ഉമ്മകൾ സമ്മാനിക്കുന്നുവെന്ന് പറഞ്ഞാണ് ദുൽഖറിൻറെ പോസ്റ്റ്.

സോളോ എന്ന സിനിമയിലെ പാട്ടിനൊപ്പം കോളജിലെ നൂറിലേറെ വിദ്യാർഥികൾ ചുവടുവെച്ചാണ് വിഡിയോയുടെ ആരംഭം. ടീം ദുൽഖറിസം എന്ന പേരിലാണ് വിഡിയോ. ദുൽഖറിൻറെ ചിത്രം പതിച്ച ടീ ഷർട്ട് അണിഞ്ഞായിരുന്നു ആവേശകരമായ നൃത്തം.

വീഡിയോ കാണൂ