സുഹൃത്തുക്കളുടെ അവഗണനയെ കുറിച്ച് തുറന്നുപറഞ്ഞ് മനോജ് ഗിന്നസ്
ചിരിയും ചിന്തയുമുണര്ത്തുന്ന മിമിക്രിയിലൂടെ പ്രേക്ഷകമനസ്സുകളുടെ ഹൃദയത്തില് ഇടംപിടിച്ച മനോജ് ഗിന്നസ് സിനിമയിലും സജീവമാകുകയാണ്.തൃശൂരില് ചിത്രീകരണം നടന്ന ചാര്മിനാര് സിനിമയുടെ സെറ്റിലാണ് മനോജ് ഗിന്നസ് ഇപ്പോൾ.
ഉയരങ്ങളിലേക്ക് നടന്നുകയറുന്ന സുഹൃത്തുക്കളുടെ അവഗണന എന്നെ വല്ലാതെ വേദനിപ്പിച്ചിട്ടുണ്ട്. മാസങ്ങളോളം പ്രോഗ്രാം അവതരിപ്പിച്ച് ഒരുമിച്ച് ഊണുകഴിച്ച് ഒരുമിച്ചുറങ്ങി സുഖത്തിലും ദുഃഖത്തിലും ഒരേ മനസോടെ നടന്ന സുഹൃത്തുക്കളിലൊരാള് സിനിമയില് അവസരങ്ങള് ലഭിച്ച് വളര്ന്നുവരുമ്പോള് കടന്നുവന്ന വഴികളൊക്കെ മറക്കുകയാണ്. പഴയ സുഹൃത്തിനെ കാണുമ്പോള് ചിരിക്കാന് പോലും മറന്ന് അകലം പാലിക്കുന്നു.
എന്റെ അടുത്ത സുഹൃത്തുക്കള് പോലും സിനിമയില് താരമായതിനു ശേഷം കണ്ടാല് പോലും മൈന്ഡ് ചെയ്യാതെ നടന്നപ്പോള് നല്ല വിഷമം തോന്നി. സത്യം പറഞ്ഞാല് മിമിക്രിക്കാര്ക്ക് ഈഗോയാണ്.
യാതൊരു തെറ്റും ആരോടും ചെയ്യാത്ത എന്നോട് എന്തിനാണിത്ര ഈഗോയെന്നു എനിക്കു മനസ്സിലാകുന്നില്ല.ഒരു പ്രമുഖ മാസികയ്ക്ക് നൽകിയ ഇന്റർവ്യൂവിലാണ് താരം ഇത് പറഞ്ഞത്.
https://www.facebook.com/Malayalivartha