കാര്‍ബണ്‍ എന്ന ചിത്രമാണ് അവസാനമായി തിയേറ്ററിലെത്തിയ ഫഹദ് ഫാസില്‍ ചിത്രം. പ്രേക്ഷകരെ ഒന്നടക്കം അമ്പരിപ്പിച്ച കഥാപാത്രമായിരുന്നു ഫഹദ് ചിത്രത്തില്‍ ചെയ്തിരുന്നത്. ഈ ചിത്രം തീയേറ്ററില്‍ എത്തിയ സമയത്ത് തന്നെയാണ് മില്‍മയുടെ പരസ്യ ചിത്രവും മലയാളികള്‍ ഏറ്റെടുത്തത്. സിനിമ മാത്രമല്ല പരസ്യങ്ങളിലും ഫഹദ് തകര്‍ത്ത് അഭിനയിച്ചിരുന്നു.

ഏറ്റൊവുമൊടുവില്‍ സോഷ്യല്‍ മീഡിയയില്‍ ചര്‍ച്ചയായിരിക്കുന്നത്, പരസ്യ ചിത്രത്തില്‍ അഭിനയിക്കാന്‍ വേണ്ടി തകര്‍പ്പന്‍ മേക്ക് ഓവര്‍ നടത്തിയ ഫഹദ് ഫാസിലിന്റെ വീഡിയോയാണ്.

സിനിമയിലെ കഥാപാത്രത്തിനു വേണ്ടി എന്തു ത്യാഗവും ചെയ്യുന്ന ഫഹദ് അതേ പ്രയത്‌നം തന്നെയാണ് പരസ്യ ചിത്രങ്ങളില്‍ അഭിനയിക്കാനും എടുക്കുന്നത് എന്നു തെളിയിക്കുന്നതാണ് പുതിയ വിഡിയോ. ഫഹദ് ഫാസില്‍ അഭിനയിക്കുന്ന ഏറ്റവും പുതിയ പരസ്യത്തിന്റെ മെയ്ക്കിംഗ് വീഡിയോ സോഷ്യല്‍ മീഡിയയില്‍ അതിവേഗം പ്രചരിക്കുകയാണ്.

പുതിയ പരസ്യ ചിത്രത്തില്‍ പൊണ്ണത്തടിയനായാണ് ഫഹദ് എത്തുന്നത്. 41 സെക്കന്‍ഡ് മാത്രം ദൈര്‍ഘ്യമുള്ള പരസ്യ ചിത്രത്തിന് മണിക്കൂറുകളുടെ അധ്വാനമാണ് ഫഹദിനും മറ്റുള്ളവര്‍ക്കും വേണ്ടിവരുന്നത്.

വീഡിയോ കാണൂ