കുഞ്ഞാലിമരയ്ക്കാറാകാൻ മലയാളത്തിന്റെ പ്രിയ താരങ്ങളായ മമ്മൂട്ടിയും മോഹൻലാലും. നേരത്തെ മോഹൻലാലിനെ നായകനാക്കി പ്രിയദർശൻ കുഞ്ഞാലിമരയ്ക്കാർ എന്ന ചിത്രം പ്രഖ്യാപിച്ചിരുന്നു. എന്നാൽ മമ്മൂട്ടിയെ നായകനാക്കി സന്തോഷ് ശിവനും ഇതേ ചിത്രം പ്രഖ്യാപിച്ചതോടെ പ്രിയദർശൻ ചിത്രത്തിൽ നിന്നും പിന്നോട്ട് പോയിരുന്നു.

എന്നാൽ കഴിഞ്ഞ ദിവസം ഗായകൻ എംജി ശ്രീകുമാർ ഫേസ്ബുക്കിലൂടെ മോഹൻലാൽ പ്രിയദർശൻ ടീമിന്റെ കുഞ്ഞാലിമരയ്ക്കാർ എന്ന ചിത്രം ആരഭിക്കുന്നതായി അറിയിച്ചു. ഇതിന് പിന്നാലെ മമ്മൂട്ടി സിനിമയുടെ നിർമ്മാതാവ് ഷാജി നടേശൻ ചിത്രത്തിന്റെ ഷൂട്ടിങ് ഉടൻ ആരംഭിക്കുമെന്ന് വ്യക്തമാക്കി. ഇതോടെ മലയാളത്തിൽ രണ്ട് കുഞ്ഞാലിമരയ്ക്കാർ ഉണ്ടാകുമെന്ന് ഉറപ്പായി.

മോഹൻലാൽ നായകനായ കുഞ്ഞാലിമരയ്ക്കാർ മലയാളത്തിലെ ഏറ്റവും ഉയർന്ന ബജറ്റിലാണ് നിർമ്മിക്കുന്നത്. ഏകദേശം 200 കൂടിയാണ് ചിത്രത്തിന്റെ ബജറ്റ്. മമ്മൂട്ടി നായകനാകുന്ന കുഞ്ഞാലിമരയ്ക്കാർ 50 കോടി മുടക്കിയാണ് നിർമ്മിക്കുന്നതെന്നാണ് റിപ്പോർട്ട്.