നടിമാരുടെ ഫെയ്സ് ബുക്ക് അക്കൗണ്ടുകൾ ഹൈജാക്ക് ചെയ്യുന്നവർക്ക് എതിരെ പ്രശസ്ത താരങ്ങൾ രംഗത്ത്. മഞ്ജു വാര്യരാണ് ഇതിൽ പ്രധാനി. തന്റെ പേരിൽ വ്യാജ അക്കൗണ്ടുകൾ പ്രചരിപ്പിക്കുന്നു എന്നാണ് മഞ്ജുവിന്റെ ആരോപണം. തന്റെ യഥാർത്ഥ ഫെയ്സ് ബുക്ക് അക്കൗണ്ടിൽ ഒരു ബ്ലൂ ടിക്ക് ഉണ്ടെന്നു അതുള്ളത് മാത്രമാണ് തന്റെ അക്കൗണ്ടെന്നും മഞ്ജു പറയുന്നു. തന്റെ പേരിൽ ഒരു വെരിഫൈഡ് പേജ് മാത്രമാണുള്ളത്. അതല്ലാതെ മറ്റൊരു അക്കൗണ്ടില്ലെന്നും മഞ്ജു ഫെയ്സ് ബുക്കിൽ കുറിച്ചു. ബാക്കി അക്കൗണ്ടിൽ വരുന്ന പോസ്റ്റുകൾ തന്റെ അറിവും സമ്മതവുമില്ലാത്തതാണെന്നും മഞ്ജു പറയുന്നു.

അതേ സമയം അഡാർ ലവിലെ നടി ജിപ്സാ ബീഗം സൈറ്റുകളിൽ തന്റെ അശ്ലീല ചിത്രം പ്രചരിപ്പിക്കുന്നവർക്കെതിരെ രംഗത്തെത്തി. രൂക്ഷമായ ഭാഷയിലാണ് അവർ വിർശനം ഉന്നയിച്ചിരിക്കുന്നത്. മറ്റാരുടെയോ നഗ്നന്മേനിയിൽ തന്റെ മുഖം വെട്ടി ഒട്ടിച്ച മറ്റവൻമാരെ സഭ്യതയുടെ അതിർവരമ്പുകൾ ലംഘിക്കാതെ വിമർശിക്കുകയാണ് ജിപ്സാ. മാണിക്യമലരേ എന്ന ഗാനരംഗത്തിലും ജിപ്സ അഭിനയിക്കുന്നുണ്ട്. മലയാള സിനിമയിൽ എക്സിക്യൂട്ടീവ് പ്രൊഡ്യൂസറായും നടിയായും നിറഞ്ഞു നിൽക്കുന്നയാളാണ് ജിപ്സ. അത് ചെയ്തവൻ ആരായാലും അവനെ കാത്തിരിക്കുന്നത് വൻ ദുരന്തങ്ങളാണെന്ന് ജിപ്സ പറയുന്നു.

താൻ വിവാദങ്ങളെ ഭയപ്പെടുന്നില്ലെന്ന് താരം പറയുന്നു. സൈബർ ക്രൈമിന്റെ ആദ്യ ഇരയല്ല താനെന്നും അവർ പറയുന്നു. കഴിഞ്ഞ ഏതാനും ദിവസങ്ങളായി നടക്കുന്നത് തന്തയില്ലായ്മതരമാണെന്നും ജിപ്സ പറയുന്നു. സ്വന്തം ഭാര്യയോടും പെങ്ങളോടും ഇങ്ങനെയൊക്കെ പ്രവർത്തിക്കുമോ എന്ന് ചോദിക്കുന്നു താരം. അവിവേകിയോട് ദൈവം ചോദിക്കും എന്ന് താൻ പറയില്ലെന്ന് താരം പറഞ്ഞു. പോലീസിന്റെ അടിയും ഇടിയും കൊണ്ട് സ്വന്തം യന്ത്രം നിശ്ചലമാകുമെന്നും ജിപ്സ പരിഹസിച്ചു.

ഓൺലൈനിൽ ഫോട്ടോ ഷെയർ ചെയ്യുന്ന പെൺകുട്ടിയാണോ കിടക്കയിൽ ഒപ്പമുള്ളതെന്ന് നോക്കണമെന്നും താരം അവശ്യപ്പെടുന്നു. അടി കൊടുക്കേണ്ടി വന്നാൽ അടിക്കുമെന്നും താരം പറയുന്നു. ചീത്ത വിളിക്കേണ്ടി വന്നാൽ വിളിക്കും. അതിൽ സെൻസറിംഗ് കാണില്ലെന്നും നടി ഓർമ്മിപ്പിക്കുന്നു.

സിനിമാ നടിമാരുടെ നഗ്നചിത്രങ്ങൾ പ്രചരിപ്പിക്കുന്നത് ആദ്യത്തെ കാര്യമല്ല. മുമ്പും പ്രശസ്തരായ നടിമാരുടെ ചിത്രങ്ങൾ നഗ്നചിത്രങ്ങളായി പുറത്തുവന്നിട്ടുണ്ട്. ഓരോ തവണയും പോലീസിന്റെ ഹൈടെക് സെൽ ഇക്കാര്യം പരിശോധിക്കുകയും ചെയ്തിട്ടുണ്ട്. എന്നാൽ കേസ് നടത്താൻ പലപ്പോഴും താരങ്ങൾ തയ്യാറാവുകയില്ല. ചില കേസുകളിൽ ചെറുപ്പക്കാരാണ് പിടിക്കപ്പെട്ടിട്ടുള്ളത്. വൻകിട കക്ഷികൾ പിടിക്കപ്പെടാറില്ല. പലപ്പോഴും ചെറിയ മത്സ്യങ്ങൾ വലയിലാവും. വലിയ മത്സ്യങ്ങൾ നീന്തി രക്ഷപ്പെടുകയും ചെയ്യും. സിനിമാക്കാർ തന്നെ കേസ് പിൻവലിക്കാൻ ആവശ്യപ്പെടും. കേസിനും പുക്കാറിനും പിന്നാലെ പോയാൽ സമയം പോകുമെന്ന് താരങ്ങൾ കരുതും.