അങ്കമാലി ഡയറീസിലൂടെ മലയാളത്തിലെത്തി പ്രിയങ്കരനായി മാറിയ നടനാണ് അപ്പാനി രവി എന്ന ശരത്ത്. ജിമ്മിക്കി കമ്മല്‍ എന്ന പാട്ടിലൂടെ അഭിനയം മാത്രമല്ല ഡാന്‍സും നന്നായി വഴങ്ങുമെന്ന് അപ്പാനി രവി തെളിയിച്ചു. ഇപ്പോഴിതാ തമിഴില്‍ വിശാലിന്റെ വില്ലനായി സണ്ടക്കോഴി 2 ല്‍ അഭിനയിക്കുകയാണ് അപ്പാനി രവി.

അപ്പാനി രവിയുടേത് പ്രണയ വിവാഹമായിരുന്നു. രേഷ്മ എന്നാണ് ഭാര്യയുടെ പേര്. അപ്പാനി രവിയെപ്പറ്റി ഭാര്യയുടെ അഭിപ്രായം ഇങ്ങനെയാണ്. പാട്ടും ഡാന്‍സും എല്ലാം കൂടെ ചേര്‍ന്ന ഒരാളാണ് അദ്ദേഹം.ഇടക്കിടെയ്ക്ക് നാഗവല്ലി കൂടുന്നത് പോലെ അപ്പാനി രവിയായ് മാറും. പണ്ടത്തെ പോലെ ഒന്നുമല്ല ഇപ്പോള്‍. പണ്ട് നല്ല ഫ്രീഡം ഒക്കെ ഉണ്ടായിരുന്നു. ഞങ്ങളുടെ കോളജിലെ ഒരു കൃഷ്ണന്‍ എന്ന് തന്നെ പറയാം. ഇപ്പൊ അതില്‍ നിന്നെല്ലാം വ്യത്യസ്തമായിട്ടുണ്ട്.

അതേസമയം രേഷ്മയാണ് എന്റെ ഭാഗ്യമെന്നും അപ്പാനി രവി പറയുന്നു. കോണ്ടസ്സ എന്ന സിനിമയില്‍ നായകനായിട്ടാണ് അപ്പാനി രവി ഇപ്പോള്‍ അഭിനയിക്കുന്നത്. മണിരത്‌നം സിമ്പു ചിത്രത്തില്‍ പ്രധാന വേഷത്തില്‍ അപ്പാനി ഉണ്ടെന്നാണ് റിപ്പോര്‍ട്ടുകള്‍.