നാല്പ്പതും അമ്പതും വെട്ടുവെട്ടാതെ രണ്ടോ മൂന്നോ വെട്ടില് തീര്ക്കണം, നല്ല നേതാക്കളില്ലാത്തതാണു രാഷ്ട്രീയ കൊലപാതകങ്ങള് വര്ദ്ധിക്കാന് കാരണമെന്നും മാമുക്കോയ
കൊല്ലുമ്പോള് നാല്പ്പതും അമ്പതും വെട്ടുവെട്ടാതെ രണ്ടോ മൂന്നോ വെട്ടില് തീര്ക്കണമെന്നും നടന് മാമുക്കോയ നല്ല നേതാക്കളില്ലാത്തതാണു രാഷ്ട്രീയ കൊലപാതകങ്ങള് പെരുകാന് കാരണമെന്നും മാമുക്കോയ. നേതാക്കള് ആക്രമിക്കപ്പെടാത്തതു കൊണ്ടാണു കൊല നിലയ്ക്കാത്തത് എന്നും അദ്ദേഹം അഭിപ്രായപ്പെട്ടു.അക്രമ രാഷ്ട്രീയത്തിനെതിരെ 'വാളല്ല സമരായുധം' കെപിസിസി സംസ്കാര സാഹിതി നടത്തിയ സാംസ്കാരിക പ്രതിരോധ സദസ്സ് ഉദ്ഘാടനം ചെയ്യുകയായിരുന്നു അദ്ദേഹം.
അതേസമയം ശുഹൈബ് വധക്കേസ് സിബിഐ അന്വേഷിക്കണമെന്നാവശ്യപ്പെട്ട് ശുഹൈബിന്റെ കുടുംബം പ്രധാനമന്ത്രിക്ക് നിവേദനം നല്കി. സുരേഷ് ഗോപി എംപി മുഖേനയാണ് കുടുംബം പ്രധാനമന്ത്രിക്കു നിവേദനം നല്കിയത്.ക്രൂരമായ കൊലപാതകം നടന്നിട്ട് മൂന്നാഴ്ച കഴിഞ്ഞിട്ടും അന്വേഷണത്തില് കാര്യമായ പുരോഗതിയില്ലെന്നും ഏതാനും പ്രതികളെ മാത്രം പിടികൂടി അന്വേഷണം പ്രഹസനമാക്കുകയാണെന്നും നിവേദനത്തില് ചൂണ്ടിക്കാട്ടി. കൊലപാതകം നടന്ന് നാലു ദിവസങ്ങള്ക്കുശേഷമാണ് പോലീസ് വീട്ടിലെത്തിയത്.
സിപിഎം നേതാക്കളില്നിന്നും പ്രവര്ത്തകരില്നിന്നും ശുഹൈബിനു വധഭീഷണി ഉണ്ടായിരുന്നു. പിടികൂടിയ പ്രതികള് പ്രദേശവാസികളോ ശുഹൈബിനെ പരിചയമുള്ളവരോ അല്ല. പിടികൂടിയവരില് പ്രധാന പ്രതി മുഖ്യമന്ത്രി ഉള്പ്പടെയുള്ള നേതാക്കളോടൊപ്പം നില്ക്കുന്ന ചിത്രങ്ങള് മാധ്യമങ്ങളില് വന്നിരുന്നു.
https://www.facebook.com/Malayalivartha