സംസ്ഥാന ചലച്ചിത്ര അവാർഡ്; മികച്ച നടൻ ഇന്ദ്രൻസ് , മികച്ച നടി പാർവതി
സംസ്ഥാന ചലച്ചിത്ര അവാർഡ് പ്രഖ്യാപിച്ചു. മന്ത്രി എ കെ ബാലനാണ് അവാര്ഡുകള് പ്രഖ്യാപിച്ചത്. കഴിഞ്ഞ വര്ഷത്തെപ്പോലെ ചില അപ്രതീക്ഷിത അവാര്ഡുകള് ഇത്തവണയും ഉണ്ടായി. 2017ലെ മികച്ച നടനുള്ള അവാർഡ് ആളൊരുക്കം എന്ന സിനിമയിലെ അഭിനയത്തിന് ഇന്ദ്രൻസ് സ്വന്തമാക്കി. ടേക്ക് ഓഫ് എന്ന സിനിമയിലെ അഭിനയത്തിന് പാർവതി മികച്ച നടിക്കുള്ള അവാർഡ് സ്വന്തമാക്കി.
മികച്ച സിനിമ- ഒറ്റമുറിയിലെ വെളിച്ചം
മികച്ച ബാലതാരങ്ങള്- നക്ഷത്ര, മാസ്റ്റര് അഭിനന്ദ്
കലാമൂല്യമുള്ള ജനപ്രിയ സിനിമ- രക്ഷാധികാരി ബൈജു
മികച്ച സംവിധായകന് – ലിജോ ജോസ് പല്ലിശേരി
മികച്ച സ്വഭാവ നടന്- അലന്സിയര്
മികച്ച കഥാകൃത്ത് – എം എ നിഷാദ്
മികച്ച പശ്ചാത്തല സംഗീതം- ഗോപി സുന്ദര്
മികച്ച ഗായിക- സിതാര കൃഷ്ണകുമാര്
പുതുമുഖ സംവിധായകന്- മനേഷ് നാരായണന്
സംഗീത സംവിധായകന്- എംകെ അര്ജുനന്
ക്യാമറ- മനേഷ് മാധവ്
തിരക്കഥാകൃത്ത്- സജീവ് പാഴൂര്
മികച്ച ചലച്ചിത്ര ഗ്രന്ഥത്തിനുള്ള പുരസ്കാരം സിനിമ കാണും ദേശങ്ങള് (സി.വി മോഹന കൃഷ്ണന്)ക്കാണ്. പ്രത്യേക പരാമര്ശം വെള്ളിത്തിരയിലെ ലൈംഗികത
അവസാന റൗണ്ടില് 25 ചിത്രങ്ങളാണ് മത്സരത്തിനുണ്ടായത്. സംവിധായകന് ടി.വി.ചന്ദ്രന് ചെയര്മാനായ ജൂറിയില് സംവിധായകരായ ഡോ.ബിജു, മനോജ് കാന, സൗണ്ട് എന്ജിനീയര് വിവേക് ആനന്ദ്, ക്യാമറാമാന് സന്തോഷ് തുണ്ടിയില്, സംഗീത സംവിധായകന് ജെറി അമല്ദേവ്, തിരക്കഥാകൃത്ത് ചെറിയാന് കല്പകവാടി, എഴുത്തുകാരനും നിരൂപകനുമായ ഡോ.എം.രാജീവ്കുമാര്, നടി ജലജ എന്നിവരാണ് അംഗങ്ങള്.
https://www.facebook.com/Malayalivartha
