എടിഎം മെഷീന്‍ ആവശ്യപ്പെട്ട പ്രകാരം നന്നായി ഡാന്‍സ് കളിച്ചില്ലെന്ന് ചൂണ്ടിക്കാട്ടി മഴവില്‍ മനോരമ നടത്തുന്ന ഉടന്‍ പണം പരിപാടിയിൽ നിന്ന് പറവൂര്‍ സ്വദേശിയായ മത്സരാര്‍ത്ഥി ഷാഹിനയെ പുറത്താക്കിയതോടെ സോഷ്യൽ മീഡിയയിൽ വിവാദങ്ങൾ കത്തുകയാണ്. അവതാരകരായ രാജ് കലേഷും മാത്തുകുട്ടിയും ചേര്‍ന്ന് അവതരിപ്പിക്കുന്ന പരിപാടിയില്‍ എത്തിയ മത്സരാര്‍ത്ഥി ഷാഹിദയെ കബളിപ്പിച്ചു എന്ന തരത്തിയലായിരുന്നു സോഷ്യൽ മീഡയയില്‍ പോസ്റ്റുകൾ പ്രത്യക്ഷപ്പെടാൻ തുടങ്ങിയത്.

അവസാനഘട്ടം വരെ എത്തിയ മത്സരാര്‍ത്ഥിയെ ലൈഫ് ലൈനും കൃത്യമായ ചോദ്യവും നല്‍കാതെ പുറത്താക്കി എന്നായിരുന്നു വിവാദം. പരിപാടിയുടെ അവതാരകനായ മാത്തുക്കുട്ടിക്ക് എതിരേയും രൂക്ഷ വിമര്‍ശനം ഉണ്ടായിരുന്നു. എന്നാല്‍ ഇപ്പോള്‍ ഷാഹിദയും കുടുംബവും വിവാദങ്ങള്‍ക്കു മറുപടി പറഞ്ഞിരിക്കുകയാണ്. പരപാടിക്കു മുമ്പ് ലൈഫ് ലൈനുകള്‍ ഉപയോഗിക്കുന്നതിനെക്കുറിച്ച് കൃത്യമായ നിര്‍ദേശം നല്‍കിരുന്നു എന്നു പറയുന്നു.

എല്ല ചോദ്യങ്ങള്‍ക്കും ലൈഫ് ലൈന്‍ ഉപയോഗിക്കാം എന്നും പറഞ്ഞിരുന്നു എന്നും ചാനലിനെതിരെ ഒന്നും പറയാനില്ല എന്നും ഷാഹിദ പറയുന്നു. പിന്തുണച്ച എല്ലാവര്‍ക്കും നന്ദി എന്നും ഇവര്‍ പറയുന്നുണ്ട്. എന്നാല്‍ ആദ്യ ചോദ്യങ്ങള്‍ക്കു ലൈഫ് ഉപയോഗിക്കുന്നതിനെക്കുറിച്ചു പറഞ്ഞ മാത്തുക്കുട്ടി ഡാന്‍സ് കളിക്കുന്ന ടാസ്‌ക്കിനു മമ്പ് അതു പറഞ്ഞില്ല എന്നും ഷാഹിദയുടെ സഹോദരന്‍ ഒരു ഓണ്‍ലൈന്‍ മാധ്യമത്തോടു പറഞ്ഞു.