ദുല്ഖര് തന്നെ സോഷ്യല് മീഡിയയിലും കിങ് ; ഇന്സ്റ്റാഗ്രാമില് രണ്ട് കോടി ഫോളോവേഴ്സ് സ്വന്തമാക്കി മലയാളത്തിന്റെ പ്രിയതാരം
യുവ സൂപ്പര്സ്റ്റാര് ദുല്ഖര് സല്മാന് മറ്റൊരു നേട്ടം കൂടി. സാമൂഹിക മാധ്യമം ഇന്സ്റ്റാഗ്രാമില് താരത്തിനെ ഫോളോ ചെയ്യുന്നവരുടെ എണ്ണം രണ്ട് കോടി കടന്നു. നേരത്തെ താരത്തിന് ഫേസ്ബുക്കില് 50 ലക്ഷം ലൈക്കുകള് പൂര്ത്തിയായിരുന്നു. ബോക്സ് ഒാഫീസില് മാത്രമല്ല സോഷ്യല് മീഡിയയിലും താന് തരംഗമാണെന്ന് ദുല്ഖര് തെളിയിച്ചിരിക്കുകയാണ്.
നിലവില് മലയാള സിനിമാ നടന്മാരില് ഏറ്റവും കൂടുതല് സോഷ്യല് മീഡിയാ ഫോളോവേഴ്സുള്ള താരമാണ് ദുല്ഖര്. അഡാറ് ലവ് എന്ന ചിത്രത്തിലെ ഒരു ഗാന രംഗത്തിലൂടെ പ്രിയാ വാര്യര് ഇന്സ്റ്റാഗ്രാമില് അഞ്ച് കോടി ഫോളോവേഴ്സിനെ സ്വന്തമാക്കിയിരുന്നു. പ്രിയാവര്യര്ക്ക് ശേഷം ദുല്ഖര് തന്നെയാണ് ഇന്സ്റ്റാഗ്രാമിലെ ലീഡിങ് മലയാള താരം.
ഇര്ഫാന് ഖാനുമൊത്തുള്ള ഹിന്ദി ചിത്രം കര്വാനാണ് ദുല്ഖറിന്റെതായി ഇറങ്ങാനുള്ള ഏറ്റവും പുതിയ ചിത്രം. ദേസിങ് പെരിയസാമിയുടെ സംവിധാനത്തില് കണ്ണും കണ്ണും കൊള്ളയടിത്താല് എന്ന തമിഴ് ചിത്രത്തിലാണ് താരം നിലവില് അഭിനയിച്ച് കൊണ്ടിരിക്കുന്നത്. ദുല്ഖറിന്റെതായി മഹാനടി എന്ന പേരില് ഒരു തെലുങ്ക് ചിത്രവും അണിയറയില് ഒരുങ്ങുന്നുണ്ട്. സാമന്തയും കീര്ത്തി സുരേഷുമാണ് മഹാനടിയിലെ നായികമാര്. വിഷ്ണു ഉണ്ണിക്രഷ്ണനുമൊത്തുള്ള ഒരു യമണ്ടന് പ്രേമകഥയാണ് ഡിക്യുവിന്റെ അടുത്ത മലയാള ചിത്രം.
https://www.facebook.com/Malayalivartha