മൈ സ്റ്റോറിയുടെ ട്രെയിലര് പൃഥ്വിരാജ് മമ്മൂട്ടിയുടെ ഒഫിഷ്യല് ഫെയിസ്ബുക്ക് പേജി വഴി വിട്ടതിന്റെ രഹസ്യം അറിയേണ്ടേ?
കസബ വിവാദത്തെ തുടര്ന്ന് മമ്മൂട്ടിയുടെ മിക്ക ആരാധകരും മറ്റ് ചില സാമൂഹ്യവിരുദ്ധരും നടി പാര്വതിയെ സമൂഹമാധ്യമങ്ങളിലൂടെ അപമാനിക്കുകയും അവരുടെ സിനിമകള് മോശമാണെന്ന് പ്രചരിപ്പിക്കാനുമുള്ള ശ്രമം തുടരുകയാണ്. അതിനിടെയായിരുന്നു പൃഥ്വിരാജിന്റെ ജോഡിയായി പാര്വതി അഭിനയിച്ച മൈ സ്റ്റോറി എന്ന സിനിമയിലെ പാട്ട് പൃഥ്വിരാജ് തന്റെ ഓഫിഷല് ഫെയിസ്ബുക്ക് പേജിലൂടെ പുറത്ത് വിട്ടത്. എന്നാല് എല്ലാ സാമൂഹ്യവിരുദ്ധന്മാരും പാട്ട് ഡിസ് ലൈക്ക് ചെയ്തു. അന്പതിനായിരത്തോളം ഡിസ് ലൈക്കുകളാണ് ഉണ്ടായത്. പിന്നാലെ പാട്ട് സീനില് പാര്വതി ധരിച്ച വസ്ത്രത്തെ കുറിച്ചും മോശമായ കമന്റുകള് ഉണ്ടായി. താരത്തെ താറടിച്ച് കാണിക്കാനുള്ള ശ്രമമായിരുന്നു ഇത്.
പ്രമുഖ താരങ്ങളുടെ ഫാന്സുകാര് പടക്കം പൊട്ടിക്കലും പാലഭിഷേകവും ഫഌക്സ് വയ്ക്കലും മറ്റ് സിനിമകളെ കൂകി തോല്പ്പിക്കുകയും ചെയ്യുന്നതിന് പിന്നാലെയാണ് പുതിയ തന്ത്രവുമായി രംഗത്തെത്തിയത്. തിയേറ്ററില് നിന്നും ചാനലുകളില് നിന്നും ലഭിക്കുന്ന വരുമാനത്തിന് പിന്നാലെ സമൂഹമാധ്യമങ്ങളിലൂടെ പ്രചരിപ്പിക്കുന്ന ടീസറിനും ട്രെയിലറിനും പാട്ടുകള്ക്കും നിര്മാതാക്കള്ക്ക് നല്ല വരുമാനം ലഭിക്കുന്നുണ്ട്. വീഡിയോ വൈറലാകുന്നതിന് അനുസരിച്ചിരിക്കും വരുമാനം. അടുത്തകാലത്ത് ഇത്തരത്തില് ഏറ്റവും കൂടുതല് പണം കൊയ്തത് അഡാര് ലവിന്റെ ടീസറാണ്. അങ്ങനെയുള്ളപ്പോളാണ് സൈബര് ഇടങ്ങളില് ഫാന്സുകാര് ക്വട്ടേഷന് സംഘത്തെ പോലെ പെരുമാറിയത്. താരങ്ങളുടെ നിയന്ത്രണത്തില് പെടുന്നവരല്ല ഇതൊക്കെ ചെയ്യുന്നത്. അതിനാല് അവര് നിസഹായരാണ്. സംസ്ഥാന ചലച്ചിത്ര അവാര്ഡ് ജേതാക്കളെ അഭിനന്ദിച്ച് മമ്മൂട്ടി ഇട്ട പോസ്റ്റിന് താഴെയും പാര്വതിയെ അപമാനിച്ച് കമന്റുകള് ഇട്ടിരുന്നു.
ഇഷ്ടമില്ലാത്ത താരങ്ങളുടെയും എതിരഭിപ്രായം പറയുന്നവരുടെയും സിനിമകളുടെ പ്രമോഷന് യൂ ട്യൂബ് വീഡിയോയ്ക്ക് ഡിസ് ലൈക്ക് ചെയ്യുക, ഫെയ്സ് ബുക്ക് പേജില് തെറികള് കമന്റ് ചെയ്യുക, അപവാദ പ്രചാരണം നടത്തുക എന്നീ കാര്യങ്ങള്ക്ക് പ്രത്യേകം ടീം തന്നെ പ്രവര്ത്തിക്കുന്നുണ്ട്. വ്യാജ പ്രൊഫൈലില് നിന്ന് സംഘടിതമായാണ് ഇവര് ആക്രമണം നടത്തുന്നത്. ട്രോളുകള് വഴിയും അപവാദ പ്രചരണങ്ങള് നടത്തുന്നുണ്ട്. തന്നെ സോഷ്യല് മീഡിയയിലൂടെ അപമാനിച്ചവര്ക്കെതിരെ പാര്വതി നല്കിയ പരാതിയില് രണ്ട് മമ്മൂട്ടി ഫാന്സുകാര് അറസ്റ്റിലായിരുന്നു. അതാണ് പാര്വതിയെ തെരഞ്ഞ് പിടിച്ച് ആക്രമിക്കാന് കാരണം. അറസ്റ്റിലായ ഒരാള്ക്ക് പ്രോല്സാഹനവുമായി കസബ സിനിമയുടെ നിര്മാതാവ് രംഗത്തെത്തിയിരുന്നു.
ഇതെല്ലാം മനസിലാക്കി പൃഥ്വിരാജ് തന്റെ ഫാന്സ് അസോസിയേഷനെ കൊണ്ട് മൈസ് സ്റ്റോറിയിലെ പാട്ടിന് നല്ല പ്രമോഷന് നല്കി. അങ്ങനെ ലത്ത് ലക്ഷം വ്യൂവേഴ്സിനെ ഉണ്ടാക്കി. പിന്നീട് സിനിമയുടെ രണ്ടാം ഷെഡ്യൂളും പൂര്ത്തിയായി. ട്രെയിലര് ഇറക്കാന് അണിയറപ്രവര്ത്തകര് തയ്യാറായപ്പോള്, പാര്വതിക്ക് സംസ്ഥാന അവാര്ഡ് കൂടി കിട്ടിയ സ്ഥിതിക്ക് സൈബര് പോരാളികള് വെറുതെ ഇരിക്കില്ലെന്ന് മനസിലാക്കി. അങ്ങനെ മമ്മൂട്ടിയെ സമീപിച്ചു. മൈസ്റ്റോറിയുടെ ട്രെയിലര് മമ്മുക്ക പുറത്ത് വിടണമെന്ന് അഭ്യര്ത്ഥിച്ചു. അങ്ങനെ താരം തന്റെ ഒഫിഷ്യല് പേജ്ിലൂടെ മൈസ്റ്റോറിയുടെ ട്രെയിലര് പുറത്ത് വിട്ടു. മൂവായിരത്തിലധികം പേര് ട്രെയിലര് ഷെയര് ചെയ്തിട്ടുണ്ട്. അഞ്ച് ലക്ഷത്തിലധികം പേര് വീഡിയോ കണ്ട് കഴിഞ്ഞു.
https://www.facebook.com/Malayalivartha
