ജീവിതത്തില്‍ ഞാന്‍ ആദ്യമായി നേരിട്ട് കണ്ട നടനായിരുന്നു ഇന്ദ്രന്‍സ് ; ഇന്ദ്രന്‍സിനെക്കുറിച്ച്‌ സംവിധായകന്‍
ഇന്ദ്രൻസ് എന്ന മഹാനടന് ലഭിച്ച ഏറ്റവും വലിയ അംഗീകാരമാണ് ഇത്തവണത്തെ സംസ്ഥാന ചലച്ചിത്ര പുരസ്കാരം. ആളൊരുക്കം എന്നചിത്രത്തിലെ അഭിനയത്തിന് അദ്ദേഹത്തിന് അർഹിച്ച അംഗീകാരമാണ് ലഭിച്ചത്. ഓട്ടന്‍ തുളളല്‍ കലാകാരനായ പപ്പു പിഷാരടി എന്ന കഥാപാത്രത്തെ ഇന്ദ്രൻസ് എന്ന മഹാനടൻ അവിസ്മരണീയമാക്കി.
സമകാലിക പ്രസക്തിയുളള ചിത്രത്തില്‍ ഇന്ദ്രന്‍സിന്റെ പ്രകടനം മികച്ചതാണെന്നാണ് ജുറിമാരുടെ അഭിപ്രായം. പുരസ്കാരത്തിളക്കത്തില്‍ ഇന്ദ്രന്‍സിന് അഭിനന്ദന പ്രവാഹമായിരുന്നു. ഇന്ദ്രന്‍സിന് വൈകി കിട്ടിയ ഈ അംഗീകാരത്തിൽ പല പ്രമുഖരും അഭിനന്ദിച്ചിരുന്നു. ആളൊരുക്കം സംവിധാനം ചെയ്ത മാധ്യമപ്രവര്‍ത്തകനായ വി.സി അഭിലാഷ് തന്റെ ഒരു അനുഭവം പങ്കുവച്ചിരിക്കുകയാണ്. ആദ്യമായി ഇന്ദ്രന്‍സിനെ കണ്ടതും അദ്ദേഹത്തിന് പുരസ്കാരം ലഭിച്ചതിന്റെ സന്തോഷവും തന്റെ ഫേസ്‍ബുക് പോസ്റ്റിലൂടെ പങ്കുവച്ചിരിക്കുകയാണ് അദ്ദേഹം.
വിസി അഭിലാഷിന്റെ ഫേസ്ബുക്ക് പോസ്റ്റ് ഇങ്ങനെ;
പ്രിയപ്പെട്ടവരെ, ഒരു രഹസ്യം പറയട്ടെ ?
ജീവിതത്തില്‍ ഞാന്‍ ആദ്യമായി നേരിട്ട് കണ്ട നടനായിരുന്നു ഇന്ദ്രന്‍സ്.എട്ടാം ക്ലാസില്‍ പഠിക്കുമ്ബോളാണ്.എന്റെ നാടായ നെടുമങ്ങാട്ട് കൊല്ലങ്കാവിലെ ഒരു മണിമാളികയില്‍ സിനിമാ ഷൂട്ടിങ് നടക്കുന്നു. ഉച്ചയ്ക്ക് ക്ലാസില്‍ കയറാതെ ആ വീടിന്റെ വലിയ മതിലില്‍ പത്ത് നൂറാളുകള്‍ക്കൊപ്പം അള്ളിപ്പിടിച്ച്‌ കയറി ഇരുന്നത്ഓര്‍മയുണ്ട്.ഏറെ നേരം കഴിഞ്ഞപ്പോ അതാ ഒരാളിറങ്ങി വരുന്നു..ആളുകള്‍ ചിരിക്കുന്നു.. ഇന്ദ്രന്‍സ്.. ഇന്ദ്രന്‍സ്.. എന്ന് പിറുപിറുക്കുന്നു.'കൊടക്കമ്ബീ'യെന്നും'അരളി'വേരേയെന്നും പീക്കിരി പിള്ളേര്‍ വരെ വിളിച്ച്‌ കൂവുന്നു. എന്നാല്‍ റോഡ് ക്രോസ് ചെയ്ത് ഒരു മാരുതി കാറിലേക്ക് കയറും വരെഅയാള്‍ എല്ലാവരെയും നോക്കി ചിരിച്ച്‌ തലയാട്ടുന്നത് എനിക്കിപ്പോഴും ഓര്‍മയുണ്ട്.
ഇന്നിപ്പോ,പലവട്ടം വഴുതി മാറിപ്പോയ ഒരു വലിയ പുരസ്കാരം എന്റെ പപ്പുപ്പിഷാരടിയിലൂടെ ആ മനുഷ്യന് ആദ്യമായി കിട്ടുമ്ബോള്‍എന്നിലെ ചേതോവികാരം ഞാനെങ്ങനെ പറഞ്ഞറിയിക്കും!എന്നെ വിശ്വസിച്ച്‌ ഈ സിനിമയ്ക്ക് അടിത്തറയൊരുക്കിയ എന്റെപ്രിയപ്പെട്ട ജോളി സര്‍, വര്‍ഗീസിച്ചായന്‍,ജോസ് ആന്റണിച്ചായന്‍,ബെന്നി ചേട്ടന്‍, നാന്‍സി.. ഈ നല്ല മനുഷ്യരുടെ കുടുബാംഗങ്ങള്‍,ആളൊരുക്കത്തിന്റെ യഥാര്‍ത്ഥ കരുത്തായിരുന്ന എന്റെ ടീമംഗങ്ങള്‍, ഈ സന്തോഷത്തെസ്വന്തം നേട്ടമായി കണ്ട് ഒപ്പം നില്‍ക്കുന്ന ജനയുഗത്തിലെ ചങ്ക് സഹപ്രവര്‍ത്തകര്‍,ഓരോ നിമിഷവും എനിക്ക് പ്രോത്സാഹനംനല്‍കുന്ന എന്റെ നെടുമങ്ങാട്ടെ നാട്ടുകാര്‍,കൂട്ടുകാര്‍, സംഘടനകള്‍, സഹപാഠികള്‍,അധ്യാപകര്‍, സോഷ്യല്‍ മീഡിയയിലെഞെരിപ്പ് സൗഹൃദങ്ങള്‍,കൂട്ടത്തില്‍ നിന്നൊരാള്‍ക്ക് കിട്ടിയ നേട്ടത്തെ ഹൃദയത്തിലേറ്റി പിന്തുണച്ചമാധ്യമ സുഹൃത്തുക്കള്‍..-കൂടെ നിന്നവരോടും പിന്തുണയ്ക്കുന്നവരോടും ആളൊരുക്കത്തിന്റെ പേരില്‍ നന്ദി പറയുന്നു. ??
ആളൊരുക്കം ഏപ്രിലില്‍ തീയേറ്ററിലേക്ക്എത്തുമെന്ന് കൂടി അറിയിക്കട്ടെ..? എല്ലാവരും സിനിമ ആദ്യ ദിവസം കാണാന്‍ ശ്രമിക്കുമെന്ന പ്രതീക്ഷയോടെ,
വിനയപൂര്‍വ്വം
-വി സി അഭിലാഷ്
https://www.facebook.com/Malayalivartha
