കോട്ടയം കുഞ്ഞച്ചന്‍ വീണ്ടുമെത്തുന്നു... ചിത്രത്തിലെ താരങ്ങള്‍ ആരൊക്കെ
കോട്ടയം കുഞ്ഞച്ചന്‍ വീണ്ടുമെത്തുന്നു.ആട് ടുവിന് ശേഷം മിഥുന്‍ മാനുവല്‍ തോമസ് ആണ് കോട്ടയം കുഞ്ഞച്ചന്റെ രണ്ടാം ഭാഗവുമായെത്തുന്നത്. മിഥുന്‍ തന്നെയാണ് വാര്‍ത്ത സോഷ്യല്‍ മീഡിയയിലൂടെ പുറത്തു വിട്ടത്. ഹിറ്റ് കൂട്ടുകെട്ടായ ഫ്രൈഡേ ഫിലിം ഹൗസാണ് മിഥുന്റെ പുതിയ ചിത്രവും നിര്‍മ്മിക്കുന്നത്. ചിത്രത്തിലെ താരങ്ങള്‍ ആരായിരിക്കുമെന്ന് സംബന്ധിച്ച വിവരങ്ങളൊന്നും അണിയറ പ്രവര്‍ത്തകര്‍ പുറത്തുവിട്ടിട്ടില്ല.
മിഥുന്റെ പോസ്റ്റിന്റെ പൂര്‍ണ്ണരൂപം
പ്രിയരേ,
കാലമെന്ന മഹാപ്രവാഹത്തിന് പരകോടി നന്ദി..!!! ഇതിഹാസം മുട്ടത്തു വര്‍ക്കിയിലൂടെ ഉരുത്തിരിഞ്ഞ്, അനുഗ്രഹീത ചലച്ചിത്രകാരന്‍ ഡെന്നിസ് ജോസഫ് ഊടും പാവും നെയ്തു, നടനവിസ്മയം മമ്മൂട്ടിയിലൂടെ, സുരേഷ് ബാബു എന്ന പ്രഗത്ഭ സംവിധായകനിലൂടെ, മണി എന്ന പ്രശസ്ത നിര്‍മ്മാതാവിലൂടെ കാല്‍നൂറ്റാണ്ടിനും മുന്‍പ് കേരളക്കര ഒന്നാകെയുള്ള സിനിമാകൊട്ടകകളില്‍ ആരവങ്ങള്‍ തീര്‍ത്ത പ്രതിഭാസം, കോട്ടയം കുഞ്ഞച്ചനെ, തുടക്കക്കാരനായ എന്നിലേയ്ക്ക് എത്തിച്ചതിന്..!!
ഇതുവരെയുള്ള യാത്രയില്‍ ആശ്വാസമായ തണല്‍ മരങ്ങള്‍ക്കു നന്ദി, വെളിച്ചം വിതറിയ വിളക്കുകാലുകള്‍ക്ക് നന്ദി, സിനിമയെ സ്വപ്നം കണ്ടു നടന്നവനെ തീരത്തടുപ്പിച്ച പായ്വഞ്ചികള്‍ക്ക് നന്ദി.. കൈവിടാതെ കൂടെ നില്‍ക്കുന്ന പ്രേക്ഷക ലക്ഷങ്ങള്‍ക്ക് നന്ദി..ഫ്രൈഡേ ഫിലിം ഹൌസിനോടൊപ്പം ചേര്‍ന്ന് സവിനയം, സസന്തോഷം, സസ്‌നേഹം അവതരിപ്പിക്കുന്നു.. കോട്ടയം കുഞ്ഞച്ചന്‍ 2.
https://www.facebook.com/Malayalivartha
