ആട്1 ന്റെ വിജയത്തിന് ശേഷം ഷാജി പാപ്പന്റെയും കൂട്ടുകാരുടെയും ആട് 2 തിയേറ്ററില്‍ എത്തിയതോടെ വലിയ വിജയമാണ് നേടാനായത്. പ്രേക്ഷകരെ കുടുകൂടെ ചിരിപ്പിച്ച് തിയേറ്റര്‍ ഇളക്കി മറിച്ചുകൊണ്ട് ആട്2 ഇപ്പോളും ജൈത്രയാത്ര തുടരുന്നത്. മിഥുന്‍ മാനുവല്‍ തോമസ് സംവിധാനം ചെയ്ത ഈ ചിത്രത്തിന് മികച്ച പ്രേക്ഷക പ്രതികരണം നേടാനായി.

ഷാജിപാപ്പന്റെയും കൂട്ടുകാരുടെയും വിജയത്തിന്റെ അവസരത്തില്‍ ആടിന്റെ മൂന്നാം ഭാഗം വരുമോയെന്ന് ആരാധകരില്‍ പലരും ജയസൂര്യയോടും സംവിധായകനോടും നിര്‍മാതാവിനോടും ചോദിച്ചിരുന്നു. എന്നാല്‍ ആദ്യ ഭാഗം വിജയിച്ചില്ലായിരുന്നുവെങ്കില്‍ രണ്ടാം ഭാഗത്തെ കുറിച്ച് ചിന്തിക്കില്ലായിരുന്നുവെന്നാണ് പറഞ്ഞിരുന്നത്. ഇപ്പോഴിതാ സംവിധായകന്‍ മിഥുന്‍ തന്നെ ആട്3 യെ കുറിച്ച് പ്രഖ്യാപിച്ചിരിക്കുകയാണ്.

തന്റെ ഫേസ്ബുക്ക് പേജിലൂടെയാണ് മിഥുന്‍ ഇക്കാര്യം അറിയിച്ചത്. പക്ഷെ ഇത്തവണ ആടിന് ഒരു പ്രത്യേകതയുണ്ടാകും. ചിത്രം ത്രിഡിയില്‍ ആയിരിക്കും ചെയ്യുന്നത്. എത്ര ബുദ്ധിമുട്ടിയിട്ടാണെങ്കിലും ചിത്രം ത്രിഡിയില്‍ ചെയ്യുമെന്നാണ് മിഥുന്റെ വെളിപ്പെടുത്തല്‍. ചിത്രത്തിനെ കുറിച്ച് കൂടുതല്‍ വിവരങ്ങള്‍ വെളിപ്പെടുത്തിയിട്ടില്ല.