അന്തരിച്ച നടി ശ്രീവിദ്യയുടെ ഫഌറ്റ് ആദായനികുതി വകുപ്പ് ലേലത്തില്‍ വെച്ചു. ശ്രീവിദ്യയുടെ വസ്തുക്കളുടെ സൂക്ഷിപ്പുകാരനായ നടന്‍ ഗണേഷ് കുമാറിന്റെ അനുവാദത്തോടെയാണ് ലേലമെന്ന് ആദായനികുതി വകുപ്പ് വ്യക്തമാക്കി. ആദായനികുതി കുടിശ്ശികയായ 45 ലക്ഷം രൂപ ഈടാക്കുന്നതിനായാണ് ലേലം. ഈ മാസം 26 നാണ് ലേലം നിശ്ചയിച്ചിട്ടുള്ളത്. 1 കോടി 14 ലക്ഷത്തി 10,000 രൂപയാണ് ഫ്‌ലാറ്റിന് വിലയിട്ടിരിക്കുന്നത്.

അഭിഭാഷകനായ ഉമാശങ്കറാണ് ഈ ഫ്‌ലാറ്റില്‍ ഇപ്പോള്‍ വാടകയ്ക്ക് കഴിയുന്നത്. 2005 ല്‍ ശ്രീവിദ്യ മരിക്കുന്നതിന് മുന്‍പേ ഫ്‌ലാറ്റ് വാടകക്ക് എടുത്തിരുന്നുവെന്നും ആദായനികുതി സംബന്ധിച്ച കേസുകളെല്ലാം ഗണേഷ് കുമാറിന് അറിയാമെന്നും ഉമാശങ്കര്‍ പറഞ്ഞു. ഇപ്പോള്‍ മാസവാടകയായ 13000 രൂപ ആദായനികുതിവകുപ്പിനാണ് ഇവര്‍ നല്‍കുന്നത്.

1996 മുതല്‍ മരണം വരെ ശ്രീവിദ്യ ആദായ നികുതി അടച്ചിട്ടില്ല. അതിനാലാണ് കുടിശ്ശിക 45 ലക്ഷത്തില്‍ എത്തിയത്. മാസം ലഭിക്കുന്ന 13,000 രൂപകൊണ്ട് കുടിശ്ശിക ഈടാക്കാനാകില്ല. അതിനാലാണ് ഫ്‌ലാറ്റ് ലേലത്തില്‍ വയ്ക്കുന്നതെന്ന് ആദായനികുതി വകുപ്പ് ഉദ്യോഗസ്ഥര്‍ പറയുന്നു. മാത്രമല്ല ഇക്കാര്യം ഗണേഷ് കുമാറിനെ അറിയിച്ചുവെന്നും ഉദ്യോഗസ്ഥന്‍ വ്യക്തമാക്കി.

ചെന്നൈയിലെ ഈ ഫ്‌ളാറ്റ് ഇപ്പോള്‍ വാടകയ്ക്ക് കൊടുത്തിരിക്കുകയാണ്. അഭിഭാഷകനായ ഉമാശങ്കറാണ് ഈ വീട്ടില്‍ വാടകയ്ക്ക് താമസിക്കുന്നത്. 2005ല്‍ ശ്രീവിദ്യമരിക്കുന്നതിന് മുന്‍പേ വീട് വാടകക്ക് എടുത്തിരുന്നുവെന്നും ആദായനികുതി സംബന്ധിച്ച കേസുകളെല്ലാം ഗണേശ് കുമാറിന് അറിയാമെന്നും വാടകക്കാരനായ ഉമാശങ്കര്‍ പറഞ്ഞു.

ഇപ്പോള്‍ മാസവാടകയായ 13000 രൂപ ആദായനികുതിവകുപ്പിനാണ് ഇവര്‍ നല്‍കുന്നത്. ആദായ നികുതി വകുപ്പിലേക്ക് ഈ ഫ്‌ളാറ്റിന്റെ മാസവാടകയായി കിട്ടുന്ന 15000 രൂപ അടയ്ക്കുന്നുണ്ടെങ്കിലും നഷ്ടം നികത്താന്‍ കഴിയില്ലെന്നാണ് ആദായ നികുതി വകുപ്പിന്റെ വിശദീകരണം.

ശ്രീവിദ്യ ഗണേശിനെ വിശ്വസിച്ചേല്‍പ്പിച്ച സ്വത്തുക്കളും അവരുടെ സ്വപ്നങ്ങളും ഒന്നൊന്നായി കൈവിട്ടു പോകുന്ന കാഴ്ചയാണ് ഉണ്ടായിക്കൊണ്ടിരിക്കുന്നത്. ശ്രീവിദ്യ ഗണേശ് കമാറിന് എഴുുതിയ ഓസ്യത്തില്‍ പാവപ്പെട്ട കുട്ടികളുടെ കലാപരമായ കഴിവുകള്‍ വളര്‍ത്താന്‍ സംഗീത നൃത്ത അക്കാഡമി ഉണ്ടാക്കണമെന്നും സ്‌കോളര്‍ഷിപ്പ് നല്‍കണമെന്നും നിര്‍ദ്ദേശിച്ചിരുന്നു.

എന്നാല്‍ ഇക്കാര്യത്തിലും ഗണേശ് യാതൊരു നടപടികളും എടുത്തില്ല. നടിയുടെ ആഗ്രഹം സഫലമാക്കാതെ മറ്റ് ആവശ്യങ്ങള്‍ക്ക് ഗണേശ് ഉപയോഗിച്ചു എന്ന ആരോപണം അദ്ദേഹം മന്ത്രിയായിരിക്കുമ്പോള്‍ തന്നെ ശ്രീവിദ്യയുടെ സഹോദരന്‍ ശങ്കരരാമന്‍ ഉന്നയിച്ചിരുന്നു.

2006 ഓഗസ്റ്റ് 17നാണ് ശ്രീവിദ്യ ഗണേശ്കുമാറിന്റെ പേരില്‍ വില്‍പ്പത്രം എഴുതിയത്. ശ്രീവിദ്യയുടെ പ്രധാന സമ്പാദ്യങ്ങളായ വട്ടിയൂര്‍കാവിലെ എട്ടു സെന്റ് ഭൂമിയും ഇരു നില കെട്ടിടവും ചെന്നൈയിലെ സ്വാമി അപ്പാര്‍ട്ട്‌മെന്റിലെ ഫ്‌ളാറ്റ്, 15.5ലക്ഷം രൂപയുടെ ബാങ്ക് ഡെപ്പോസിറ്റ്, മൂന്ന് ലക്ഷം രൂപയുടെ പോസ്റ്റ് ഓഫീസ് സേവിങ്‌സ്, 580 ഗ്രാം സ്വര്‍ണം, ഒന്നര കിലോ വെള്ളി എന്നിവയാണ് ഗണേശ്കുമാറിന് കൈമാറിയത്.