കായംകുളം കൊച്ചുണ്ണിയിലെ മോഹൻലാലിന്റെ ഗംഭീര മെയ്ക്ക് ഓവറിനുപിന്നിൽ ഒരു രഹസ്യമുണ്ട് ! ; മനസ്സുതുറന്ന് രഞ്ജിത്ത് അമ്പാടി
കായംകുളം കൊച്ചുണ്ണിയിൽ ഇത്തിക്കര പക്കിയായി മോഹൻലാൽ ഉണ്ടെന്നറിഞ്ഞപ്പോൾ മുതൽ ആരാധകർ ആവേശത്തിലാണ്. ഒടിയനിലെ ലുക്കിലൂടെ ഞെട്ടിച്ച മോഹൻലാൽ , ഇത്തിക്കര പാക്കിക്കയും ഗംഭീര മെയ്ക്ക് ഓവർ ആണ് നടത്തിയിരിക്കുന്നത്. ആ ലുക്കിന് പിന്നിൽ മലയാളികൾ അറിയാൻ കാത്തിരുന്ന ആ രഹസ്യം മെയ്ക് അപ്പ് ആര്ടിസ്റ് രഞ്ജിത്ത് അമ്പാടി വെളിപ്പെടുത്തുന്നു.
“ലാല് സാര് അഭിനയിക്കാന് എത്തുന്നു എന്ന് അറിഞ്ഞപ്പോള് മുതല് കഥാപാത്രത്തെപ്പറ്റി ചര്ച്ചതുടങ്ങി. കളര് ടോണും ചര്മ്മത്തിന്റെ ഘടനയും മീശ വരെ എങ്ങനെയായിരിക്കുമെന്ന് വ്യക്തമായ ധാരണയുണ്ടായിരുന്നു. ഒരു ഫാന്റസി കഥാപാത്രമാണ് ചിത്രത്തിൽ മോഹൻലാലിന്റേത്. യഥാര്ത്ഥ ഇത്തിക്കരപക്കി എങ്ങനെയായിരിക്കുമെന്ന് ചിന്തിച്ചിട്ടേയില്ല.
ലാല് സാറിന്റെ മുഖം വെച്ച് ആദ്യം വര്ക്ക് ചെയ്ത് നോക്കി. അതില് ഏറ്റവും യോജിച്ചത് ഈ ലുക്കാണ്, നീരാളിയുടെ ഷൂട്ടിംഗിനിടെ മുംബൈയില് പോയി മേയ്ക്കപ്പ് ട്രയല് നടത്തി. ഇത്തിക്കരപക്കി കാട്ടില് ജീവിക്കുന്ന ആളാണ്. അതുകൊണ്ട് തന്നെ അയാളുടെ ചര്മ്മവും മുടിയുമെല്ലാം പരുക്കനായിരിക്കുമല്ലോ. നിറം നന്നായി കുറച്ചു.
ഒടിയനു വേണ്ടി അദ്ദേഹം മെലിഞ്ഞിരുന്നു. ഇപ്പോള് അല്പ്പം തടിയുണ്ട് അത് ഈ കഥാപാത്രത്തിന് യോജിക്കുന്നതാണ്. ആളുകള്ക്ക് ചെറിയ പേടിയുള്ള കഥാപാത്രമാണ് ഇത്. അതുകൊണ്ട് തന്നെ ഒരു ഗാംഭീര്യം വേണമെന്ന് സംവിധായകന് പറഞ്ഞു.”
ഹോളിവുഡ് ചിത്രം ഗ്ലാഡിയേറ്ററിലെ പ്രധാനകഥാപാത്രം മാക്സിമസിന്റെ വേഷവും ഇത്തിക്കരപക്കിയുമായുള്ള സാമ്യം ഒറ്റനോട്ടത്തില് തന്നെ മനസിലാകും. കായംകുളം കൊച്ചുണ്ണിയായി നിവിൻപോളി കൂടി ആയപ്പോൾ നിവിന്പോളിയും മോഹന്ലാലും ഒന്നിച്ചെത്തുന്ന ആദ്യ ചിത്രം എന്ന സവിശേഷതയും ഇതിന് സ്വന്തം ആയി.ഇതിന്റെ തിരക്കഥ ഒരുക്കിയിരിക്കുന്നത് ബോബിയും സഞ്ജയ് കൂട്ടുകെട്ടാണ്. ഗോകുലം ഗോപാലനാണ് ചിത്രം നിര്മ്മിക്കുന്ന ചിത്രത്തില് പ്രിയാ ആനന്ദ്, സണ്ണി വെയിന്, ബാബു ആന്റണി എന്നിവരും അഭിനയിക്കുന്നുണ്ട്
https://www.facebook.com/Malayalivartha