മെഗാസ്റ്റാര്‍ മമ്മൂട്ടിയുടെ പുതിയ ചിത്രമാണ് ഒരു കുട്ടനാടന്‍ ബ്ലോഗ്. നവാഗതനായ സേതു തിരക്കഥ എഴുതി സംവിധാനം ചെയ്യുന്ന സിനിമയില്‍ അതിഥി വേഷത്തില്‍ ഒരു താരപുത്രന്‍ കൂടി അഭിനയിക്കാന്‍ പോവുകയാണ്. ആലപ്പുഴയില്‍ സിനിമയുടെ ചിത്രീകരണം പുരോഗമിച്ച് കൊണ്ടിരിക്കകയാണ്. കുട്ടനാടന്‍ ബ്ലോഗില്‍ താരപുത്രന്‍ വിനീത് ശ്രീനിവാസനാണ് അതിഥി വേഷത്തില്‍ അഭിനയിക്കുന്നത്. ചിത്രത്തിന്റെ ലണ്ടനില്‍ നിന്നും ഷൂട്ട് ചെയ്യുന്ന ഷെഡ്യൂളിലായിരിക്കും വിനീത് അഭിനയിക്കുന്നത്. ചിത്രത്തിലെ മമ്മൂട്ടിയുടെ കഥാപാത്രം വളരെ വ്യത്യസ്തമാണെന്നാണ് അണിയറപ്രവര്‍ത്തകര്‍ പറയുന്നത്. 

നവാഗതനായ സേതുവാണ് ഒരു കുട്ടനാടന്‍ ബ്ലോഗ് തിരക്കഥ എഴുതി സംവിധാനം ചെയ്യുന്നത്. കോഴിത്തങ്കച്ചന്‍ എന്നായിരുന്നു ആദ്യം സിനിമയ്ക്ക് പേരിട്ടിരുന്നത്. എന്നാല്‍ സിനിമയുടെ കഥയുമായി ബന്ധപ്പെട്ട് പേര് മാറ്റുകയായിരുന്നു. ഒരു ഗ്രാമത്തില്‍ നടക്കുന്ന സംഭവങ്ങളെ അടിസ്ഥാനമാക്കിയാണ് സിനിമയുടെ കഥ ഒരുക്കിയിരിക്കുന്നത്. കുട്ടനാടനിന്റെ പശ്ചാതലത്തില്‍ ശ്രീകൃഷ്ണപുരം എന്ന സാങ്കല്‍പികമായൊരു ഗ്രാമത്തിലാണ് കഥ നടക്കുന്നത്. ഹരി എന്ന് പേരുള്ള ഒരു ബ്ലോഗ് എഴുത്തുകാരന്റെ കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. ഹരിയുടെ ബ്ലോഗിലൂടെ വിവരിക്കുന്ന കാര്യങ്ങളിലൂടെയാണ് കഥ മുന്നോട്ട് പോവുന്നത്.
മമ്മൂട്ടിക്കൊപ്പം മലയാളത്തിലെ നിരവധി താരങ്ങളും സിനിമയിലുണ്ട്. ഷംന കാസിം, റായ് ലക്ഷ്മി, അനു സിത്താര എന്നിവരാണ് ചിത്രത്തിലെ നായികമാര്‍. ഒപ്പം സിദ്ദിഖ്, നെടുമുടി വേണു, സഞ്ജു ശിവറാം എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. അനന്ത വിഷന്റെ ബാനറില്‍ പി മുരളീധരനും ശാന്ത മുരളീധരനുമാണ് സിനിമ നിര്‍മ്മിക്കുന്നത്.