രജനീകാന്തിനും പ്രണവ് മോഹന്‍ലാലിനും പിന്നാലെ പൃഥ്വിരാജും ഹിമാലയത്തിലേക്ക്... താരം ഫെയിസ്ബുക്കിലൂടെയാണ് ഇക്കാര്യം അറിയിച്ചത്
നടന്‍ പൃഥ്വിരാജ് ഹിമാലയത്തിലേക്ക്... സിനിമകളുടെ തിരക്കേറിയ ഷെഡ്യൂളുകള്‍ മാറ്റിവെച്ചിട്ടാണ് സാധാരണ രജനീകാന്ത് അടക്കമുള്ള താരങ്ങള്‍ ഹിമാലയം കയറാന്‍ പോകുന്നതെങ്കില്‍ പൃഥ്വിരാജ് അങ്ങനെയല്ല. തന്റെ പുതിയ ചിത്രമായ ഒന്‍പതിന്റെ രണ്ടാം ഷെഡ്യൂള്‍ പൂര്‍ത്തിയാക്കുന്നതിനാണ് താരം ഹിമവാന്റെ നെറുകയിലെത്തുന്നത്. ഫെയിസ്ബുക്കിലൂടെ താരം ഇക്കാര്യം അറിയിച്ചു. സോണിപിക്‌ച്ചേഴ്‌സും പൃഥ്വിരാജിന്റെ ഭാര്യ സുപ്രിയയും ചേര്‍ന്ന് നിര്‍മിക്കുന്ന ഒന്‍പത് ജുനൂസ് മുഹമ്മദ് ആണ് സംവിധാനം ചെയ്യുന്നത്. കോട്ടയത്തും എറണാകുളത്തുമായി ആദ്യഘട്ട ചിത്രീകരണം പൂര്‍ത്തിയാക്കി. നാളെ ചാലക്കുടിയില്‍ പ്രമുഖ വസ്ത്രസ്ഥാപനത്തിന്റെ ഉദ്ഘാടനവും നിര്‍വഹിച്ച ശേഷമാണ് താരം ഹിമാലയത്തിലേക്ക് പറക്കുന്നത്.
അടുത്തിടെ നടന്‍ പ്രണവ് മോഹന്‍ലാല്‍ ഹിമാലയത്തില്‍ പോയിരുന്നു. ആദ്യം നായകനായി അഭിനയിച്ച ആദി എന്ന സിനിമ റിലീസാകും മുമ്പായിരുന്നു പ്രണവിന്റെ ഒറ്റയ്ക്കുള്ള യാത്ര. എന്നാല്‍ സയന്‍സ് ഫിക്ഷനായ ഒന്‍പതിന്റെ കഥപറയാനാണ് ഹിമാലയത്തിലേക്ക് പോകുന്നത്. ടിയാന്റെ ചിത്രീകരണവുമായി ബന്ധപ്പെട്ട് ഹിമാലയത്തിന്റെ താഴ്‌വരകളിലും മറ്റും പൃഥ്വിരാജ് പോയിട്ടുണ്ട്. സോണി പിക്‌ചേഴ്‌സ് ആദ്യമായാണ് മലയാളത്തിലെ ഒരു പ്രൊഡക്ഷന്‍ കമ്പനിയുമായി ചേര്‍ന്ന് ഒരു സിനിമ നിര്‍മിക്കുന്നത്. മുമ്പ് പൃഥ്വിരാജ് ഷാജിനടേശനും സന്തേഷ്ശിവനും ആര്യയ്ക്കും ഒപ്പം ആഗസ്റ്റ് സിനിമയുടെ ബാനറില്‍ ഉറുമി മുതല്‍ ഗ്രേറ്റ് ഫാദര്‍ വരെ കുറേ സിനിമകള്‍ നിര്‍മിച്ചിരുന്നു.
പൃഥ്വിരാജും ഇന്ദ്രജിത്തും അഭിനയിച്ച ടിയാന്‍ എന്ന സിനിമ ആഗസ്റ്റ് സിനിമ നിര്‍മിക്കണമെന്ന് ആവശ്യപ്പെട്ടിട്ട് ഷാജി നടേശന്‍ വഴങ്ങാത്തതിനെ തുടര്‍ന്നാണ് പൃഥ്വിരാജ് ആ കമ്പനിയോട് വിടപറഞ്ഞത്. ആഗസ്റ്റ് സിനിമാസ് നിര്‍മിച്ച ഡബിള്‍ ബാരല്‍ എന്ന സിനിമ കോടിക്കണക്കിന് രൂപയുടെ നഷ്ടമാണ് വരുത്തിവച്ചത്. ഇതേ തുടര്‍ന്ന് ഡാര്‍വിന്റെ പരിണാമം എന്ന സിനിമയ്ക്ക് പൃഥ്വിരാജ് ഫ്രീ ഡേറ്റ് നല്‍കി. അതും അത്ര മെച്ചമായിരുന്നില്ല.
https://www.facebook.com/Malayalivartha
