ലാലുഅലക്‌സിനെ പലരും അന്വേഷിക്കുന്നുണ്ട്, പക്ഷെ, കണ്ടെത്താനായില്ല, മമ്മൂട്ടിക്കറിയാം ലാലുഅലക്‌സ് എവിടെയാണെന്ന്? ലാലുഅലക്‌സിന്റെ എല്ലാ കഥകളും അറിയാവുന്ന അപൂര്‍വം ചില സുഹൃത്തുക്കളില്‍ ഒരാളാണ് മമ്മൂട്ടി
ലാലുഅലക്‌സും മമ്മൂട്ടിയും തമ്മിലുള്ള സൗഹൃദത്തിന് മമ്മൂട്ടിയുടെ സിനിമാ ജീവിതത്തോളം പഴക്കമുണ്ട്. ലാലുഅലക്‌സിന് സിനിമ കുറയുമ്പോഴെല്ലാം മമ്മൂട്ടി അദ്ദേഹത്തെ തിരികെ കൊണ്ടുവരും. അടുത്തകാലത്തായി ലാലുഅലക്‌സിന് തിരക്കുകള്‍ കുറഞ്ഞു. മകന്റെ കല്യാണ ശേഷം സിനിമകള്‍ തീരെ കുറഞ്ഞു. പക്ഷെ, അദ്ദേഹം എവിടുണ്ടെന്ന് ആര്‍ക്കും ഒരുപിടിയുമില്ലായിരുന്നു. നാട്ടുകാരോടെ, ബന്ധുക്കളോടെ ചോദിച്ചാല്‍ മമ്മൂട്ടിക്കോ, മോഹന്‍ലാലിനോ, പൃഥ്വിരാജിനോ ഒപ്പം അഭിനയിക്കുകയാണെന്ന് പറയും. ആരെങ്കിലും പരിചയക്കാര് വിളിച്ച് ചോദിച്ചാല്‍ മമ്മൂട്ടി കൊടുത്തുവിട്ട കരിമാന്‍ ചുട്ടതും കൊഞ്ച് മപ്പാസും കഴിച്ചുകൊണ്ടിരിക്കുകയാണെന്ന് കളിയായി പറയും. പക്ഷെ, ലാലുഅലക്‌സ് ഈ പറഞ്ഞിടത്തെങ്ങും ഉണ്ടായിരിക്കില്ല.
മമ്മൂട്ടിക്കറിയാം ലാലുഅലക്‌സ് എവിടെയാണെന്ന്. ലാലുഅലക്‌സിന്റെ എല്ലാ കഥകളും അറിയാവുന്ന അപൂര്‍വം ചില സുഹൃത്തുക്കളില്‍ ഒരാളാണ് മമ്മൂട്ടി. പത്തിരുപത് കൊല്ലങ്ങള്‍ക്ക് മുമ്പ് , അഭിനയം മടുത്ത ലാലുഅലക്‌സ് അമേരിക്കയില്‍ ഒരു കോഴ്‌സ് പഠിക്കാന്‍ പോയിരുന്നു. കുമ്പസാര രഹസ്യം പോലെ സൂക്ഷിച്ചിരുന്ന കാര്യം അടുത്തിടെ ലാലുഅലക്‌സ് തന്നെയാണ് പുറത്ത് പറഞ്ഞത്. അമേരിക്കയില്‍ നിന്ന് മടങ്ങിയെത്തിയ ലാലുഅലക്‌സിനെ സിനിമയില്‍ വീണ്ടും ക്ഷണിച്ചതും മമ്മൂട്ടിയാണ്. ലാലുഅലക്‌സ് രാവിലെ മുതല്‍ രാത്രി ഏഴ് മണി വരെയെ അഭിനയിക്കൂ. അതിനാല്‍ പല സംവിധായകരും അദ്ദേഹത്തെ ഒഴിവാക്കുന്നുണ്ട്. മമ്മൂട്ടിയും ജോഷിയും ഒന്നിക്കുമ്പോഴൊക്കെ ഇരുവരും ലാലു അലക്‌സിനെ വിളിക്കും.
അടുത്തകാലത്തായി സിനിമയില്ലാതായതോടെ ലാലുഅലക്‌സിനെ കാണായതായി. തുടര്‍ന്ന് മമ്മൂട്ടി പരോള്‍ എന്ന ചിത്രത്തില്‍ ചെറുതെങ്കിലും ശ്രദ്ധേയമായ വേഷം നല്‍കി. കഴിഞ്ഞ വര്‍ഷമായിരുന്നു അത്. ഈ വര്‍ഷം പതിവ് പോലെ ലാലുഅലക്‌സിനെ കാണാതായി. പലരും അന്വേഷിച്ചു. പിറവത്തെ വീട്ടില്‍ ലാലുഅലക്‌സ് കഴിയുകയാണെന്ന് മമ്മൂട്ടിക്ക് മനസിലായി. മമ്മൂട്ടി ചങ്ങനാശേരിയില്‍ കുട്ടനാടന്‍ ബ്ലോഗ് എന്ന പടത്തില്‍ അഭിനയിക്കുകയാണ്. തിരിച്ച് കൊച്ചിയിലേക്ക് പോകും വഴി പിറവത്തിറങ്ങി ലാലുഅലക്‌സിനെ വീട്ടില്‍ നിന്ന് പുറത്തിറക്കി. കുട്ടനാടന്‍ ബ്‌ളോഗില്‍ നല്ലൊരു വേഷവും നല്‍കി.
https://www.facebook.com/Malayalivartha
