മലയാളികളുടെ കുഞ്ഞിക്കയ്ക്ക് അഭിനന്ദന പ്രവാഹം; ദുല്ഖര് സൂപ്പറാണെന്ന് ലാലേട്ടന്; തരംഗം സൃഷ്ടിച്ച് മഹാനടി കേരളത്തിലും മികച്ച അഭിപ്രായം
ദുല്ഖര് സല്മാനും കീര്ത്തി സുരേഷും ഒന്നിച്ചഭിനയിച്ച ചിത്രം മഹാനടി തെലുങ്കില് വമ്പന് വിജയം കൊയ്യുമ്പോള് മലയാളത്തിന് അഭിമാനത്തിന്റെ തിളക്കമാണ്. ഇന്ത്യന് സിനിമയുടെ പലഭാഗങ്ങളില് നിന്നും ദുല്ഖറിനെ തേടി അഭിനന്ദനങ്ങള് ഒഴുകിയെത്തുമ്പോള് മലയാളത്തിന്റെ നടനവിസ്മയം ലാലേട്ടന് ദുല്ഖറിനും കീര്ത്തിക്കും ആശംസകള് നേരുകയാണ്. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
മികച്ച അഭിപ്രായമാണ് മഹനടിയെക്കുറിച്ച് കേള്ക്കുന്നതെന്നും എന്റെ പ്രിയപ്പെട്ട ദുല്ഖറിനും കീര്ത്തിക്കും എല്ലാ വിധ ആശംസകളും നേരുന്നുവെന്നും മോഹന്ലാല് കുറിച്ചു. മഹാനടി ഉടന് കാണുമെന്നും അദ്ദേഹം പറഞ്ഞു.
ദുല്ഖറിന്റെ ആദ്യ തെലുങ്ക് ചിത്രം കൂടിയാണ് മഹാനടി. മഹാനടി കണ്ടതിനു ശേഷം ദുല്ഖര് സല്മാന്റെ ആരാധകനായി മാറിയെന്ന് എസ്എസ് രാജമൗലി പറഞ്ഞിരുന്നു.സൂപ്പര് നായികയായിരുന്ന സാവിത്രിയുടെയും ജെമിനി ഗണേശന്റെയും ജീവിതകഥ പറയുന്ന ചിത്രമാണ് മഹാനടി. ദുല്ഖര് സല്മാന്റെ തെലുങ്ക് സിനിമാ പ്രവേശനത്തിന് തുടക്കം കുറിക്കുന്ന ചിത്രത്തില് കീര്ത്തി സുരേഷ്, സാമന്ത, കാജള് അഗള്വാള് തുടങ്ങിയവരാണ് അഭിനയിച്ചിരിക്കുന്നത്.
ബ്രഹ്മാണ്ഡ സംവിധായകന് രാജമൗലിയാണ് ആദ്യം അഭിനന്ദനവുമായി എത്തിയത്. ചിത്രം കണ്ടശേഷം ഞാന് ദുല്ഖറിന്റെ ആരാധകനായി തീര്ന്നു എന്നാണ് അദ്ദേഹം പറഞ്ഞത്. താന് ഇതുവരെ കണ്ടിട്ടുള്ളതില് ഏറ്റവും മികച്ച പ്രകടനങ്ങളില് ഒന്നാണ് സാവിത്രിയായുള്ള കീര്ത്തി സുരേഷിന്റെ അഭിനയമെന്നും അദ്ദേഹം കൂട്ടിച്ചേര്ത്തു. ആ അതുല്യപ്രതിഭയെ ജീവിതത്തിലേക്ക് കീര്ത്തി മടക്കി കൊണ്ടുവന്നു. രാജമൗലിയുടെ ഈ ട്വീറ്റിന് ദുല്ഖര് നല്കിയ മറുപടിയും വൈറലായിരുന്നു.
'ഞാന് താങ്കളുടെ ഒരു ഫാന് ആണ്. താങ്കളില് നിന്നും ഇങ്ങനെ കേള്ക്കുന്നത് വളരെ വല്യ കാര്യമാണ്. താങ്കളുടെ ഈ വാക്കുകള്ക്ക് വളരെ നന്ദി' എന്നായിരുന്നു ദുല്ഖറിന്റെ മറുപടി പോസ്റ്റ്. തെന്നിന്ത്യന് സൂപ്പര് നായികയായിരുന്ന സാവിത്രിയുടെയും ജെമിനി ഗണേശന്റെയും ജീവിതകഥ പറയുന്ന ചിത്രമാണ് മഹാനടി. ദുല്ഖന് സല്മാന്റെ തെലുങ്ക് സിനിമാ പ്രവേശനത്തിന് തുടക്കം കുറിക്കുന്ന ചിത്രത്തില് കീര്ത്തി സുരേഷ്, സാമന്ത, കാജള് അഗര്വാള് തുടങ്ങിയവരാണ് അഭിനയിച്ചിരിക്കുന്നത്. ചിത്രത്തിന്റെ തെലുങ്ക് പതിപ്പിന് ലോകമെമ്പാടും മികച്ച അഭിപ്രായമാണ് ലഭിക്കുന്നത്. ബുധനാഴ്ച റിലീസ് ചെയ്ത ചിത്രം ആദ്യ ദിനം തന്നെ മികച്ച അഭിപ്രായം സ്വന്തമാക്കിയിരുന്നു.
ആന്ധ്രയ്ക്കും തെലുങ്കാനയ്ക്കുമൊപ്പം ഇന്ത്യയിലെ പ്രധാന നഗരങ്ങളിലും ചിത്രം പ്രദര്ശനത്തിനെത്തി. ഇതിനൊപ്പം യുഎസ്, യുകെ, ഓസ്ട്രേലിയ തുടങ്ങിയ വിദേശരാജ്യങ്ങളിലും ചിത്രം റിലീസ് ചെയ്തു. ചിത്രത്തിന്റെ തമിഴ് പതിപ്പ് ഇന്ന് കേരളത്തില് പ്രദര്ശനത്തിനെത്തി.
https://www.facebook.com/Malayalivartha