അമ്മയാകാനുള്ള തയ്യാറെടുപ്പിൽ ആത്മസഖി സീരിയൽ നായിക അവന്തിക
മിനിസ്ക്രീനിലെ മുന്നിര അഭിനേത്രികളിലൊരാളായ സംഗീത മോഹനാണ് മഴവിൽ മനോരമയിലെ പാരമ്പരയായ ആത്മസഖിക്ക് തിരക്കഥയൊരുക്കുന്നത്. ഇതിനോടകം തന്നെ 450 ലധികം എപ്പിസോഡുകള് പിന്നിട്ട പരമ്പര അഞ്ഞൂറിലേക്ക് കടക്കുകയാണ്. വിജയകരമായി മുന്നേരുന്നതിനിടയിലാണ് പരമ്പരയിലെ പ്രധാന കഥാപാത്രത്തെ അവതരിപ്പിക്കുന്ന നടി പിന്വാങ്ങിയിട്ടുള്ളത്. നന്ദിത എന്ന കഥാപാത്രത്തെ അവതരിപ്പിക്കുന്ന അവന്തിക പരമ്പരയില് നിന്നും പിന്വാങ്ങിയെന്ന വാര്ത്ത കഴിഞ്ഞ ദിവസമാണ് പുറത്തുവന്നത്.
അവന്തികയുടെ പിന്മാറ്റത്തില് ആരാധകര് ആകെ നിരാശയിലാണ്. ദിവ്യ എന്ന താരമാണ് ഇപ്പോള് നന്ദിതയെ അഭിനയിക്കുന്നത്. വിടര്ന്ന കണ്ണുകളും നീണ്ട മുടിയുമായെത്തിയ അവന്തികയില് നിന്നും ബോയ്കട്ടുള്ള ദിവ്യയിലേക്ക് നന്ദിത മാറിയപ്പോള് ആ മാറ്റത്തെ അംഗീകരിക്കാന് ആരാധകര് തയ്യാറായിട്ടില്ല. സീരിയലില് നിന്നു താരത്തിന്റെ പെട്ടന്നുള്ള പിന്മാറ്റം പ്രേക്ഷകരെ വളരെ നിരാശപ്പെടുത്തിരിക്കുകയാണ്. കാരണം അന്വേഷിച്ചവര്ക്ക് അറിയാന് കഴിഞ്ഞതാകട്ടെ ഒരു സന്തോഷ വാര്ത്തയും. ഒരു പ്രമുഖ ദേശിയ മാധ്യമത്തിനു നല്കിയ അഭിമുഖത്തിലാണു താരം ആ സന്തോഷവാര്ത്ത പ്രേക്ഷകരുമായി പങ്കുവച്ചത്.
അമ്മയാകാനുള്ള തയാറെടുപ്പിലാണ് അവന്തിക ഇപ്പോള്. ആദ്യത്തെ മൂന്നുമാസക്കാലം വളരെ ഏറെ ശ്രദ്ധവേണം. നിരന്തരമായ ചിത്രീകരണത്തിനിടയ്ക്ക് പലപ്പോഴും ഭക്ഷണം പോലും കൃത്യ സമയത്തു കഴിക്കാന് കഴിഞ്ഞിരുന്നില്ല. ഈ അവസ്ഥ ഇനി തുടര്ന്നാല് ശരിയാവില്ല എന്ന് അവന്തിക പറയുന്നു. മദേഴ്സ് ഡേയിലാണു താരം ഈ സന്തോഷ വാര്ത്ത പങ്കുവച്ചത്. അടുത്ത തവണ മദേഴ്സ് ഡേ ആഘോഷിക്കുമ്ബോള് കുഞ്ഞ്അതിഥി കൂടി ഒപ്പം ഉണ്ടാകുമെന്ന പ്രതീക്ഷയും താരം പങ്കുവച്ചു. സീരിയലില് നിന്നു പിന്മാറിയതുമായി ബന്ധപ്പെട്ട് നിരവധി സന്ദേശങ്ങള് തനിക്കു ലഭിക്കുന്നുണ്ട് എന്നും തിരിച്ചു വരണമെന്നു പലരും ആവശ്യപ്പെടുന്നുണ്ട് എന്നും അവന്തിക പറയുന്നു.
ഇത്രയും പിന്തുണ താന് പ്രതീക്ഷിച്ചിരുന്നില്ല എന്ന് താരം പറയുന്നു. കരിയറിന് അവസാനമിടുകയല്ല ചെറിയൊരു ഇടവേള എടുക്കുക മാത്രമാണ് ഇപ്പോള് ചെയ്യുന്നത് എന്നും അവന്തിക പ്രേക്ഷകരോടായി പറഞ്ഞു.
https://www.facebook.com/Malayalivartha