സാധാരണ നടിമാരുടെ അനുജത്തിമാരാണ് സിനിമയിലെത്തുന്നതെങ്കില് ഇത്തവണ നൈല ഉഷയുടെ ചേച്ചി ആതിരയാണ് വെള്ളിത്തിരയിലെത്തുന്നത്
സിനിമാ കുടുംബത്തില് നിന്ന് ഒരു നായിക കൂടി മലയാളത്തിലെത്തുന്നു. അനിയത്തി നായികയായ ശേഷമാണ് സഹോദരി സിനിമയിലെത്തുന്നത് എന്നതാണ് പ്രത്യേകത. നടി നൈല ഉഷയുടെ സഹോദരി ആതിരയാണ് ഹ്രസ്വചിത്രത്തില് അഭിനയിച്ച് സിനിമയിലേക്ക് ചുവടുറപ്പിക്കുന്നത്. അഭിനയമോഹം പണ്ടേ ഉണ്ടായിരുന്നെങ്കിലും ഇഷ്ടപ്പെട്ടൊരു വേഷം കിട്ടിയപ്പോള് അഭിനയിച്ചതാണെന്ന് ആതിര പറഞ്ഞു. ചെറുപ്പംമുതലേ ധാരാളം സിനിമകള് കാണുമായിരുന്നു. മമ്മൂട്ടി, മോഹന്ലാല് എന്നിവരുടെ സിനിമകളും തമിഴ് ചിത്രങ്ങളുമാണ് കൂടുതലും കണ്ടിരുന്നത്. അന്നൊക്കെ ധാരാളം ആരാധകരുള്ള നടിയായി മാറിയെന്ന് സ്വപ്നം കണ്ടിട്ടുണ്ട്. എന്നാല് നടിയാകണമെന്ന സ്വപ്നം ആരോടും പറയാന് ധൈര്യമില്ലായിരുന്നു. പരസ്യചിത്രങ്ങളും മോഡലിംഗും ഷോര്ട്ട്ഫിലിമും അതിന് ആത്മവിശ്വാസം നല്കി.
അനുജത്തി ആദ്യം സിനിമയില് വന്നതില് സന്തോഷം മാത്രമേ ഉള്ളെന്ന് ആരതി. നൈലയുടെ സഹോദരി എന്ന സന്തോഷം പലപ്പോഴും പലയിടത്ത് നിന്നും ലഭിച്ചിട്ടുണ്ട്. അവള് ജോലിയും സിനിമയുമായി തിരക്കിലാണ്. ഞാന് കുടുംബവും ജോലിയുമായി കഴിയുന്നു. ഞങ്ങള് രണ്ട് പേരും കുട്ടിക്കാലം വളരെ മിസ് ചെയ്യുന്നുണ്ട്. കുട്ടിക്കാലം വളരെ സാധാരണമായിരുന്നു. ഞാനും നൈലയും അനുജന് കണ്ണനും ചെറിയ പിണക്കങ്ങളും കുസൃതിയും കളിയുമായി എല്ലാം പങ്കുവച്ചുള്ള ബാല്യം. അച്ഛനന്ന് അബുദാബിയിലായിരുന്നു ജോലി. 13 വയസുവരെ ഞങ്ങളും അവിടെയായിരുന്നു. പിന്നീട് തിരുവനന്തപുരത്ത് വന്നു.
രണ്ട് വര്ഷം കഴിഞ്ഞ് അച്ഛന് മരിച്ചു. അതോടെ കുടുംബകാര്യങ്ങള് ആതിരയും നൈലയും ഏറ്റെടുത്തു. അപ്പൂപ്പനും അമ്മൂമ്മയും മറ്റ് ബന്ധുക്കളും കരുത്തായി നിന്നു. പിന്നീട് നൈലയ്ക്ക് ദുബയില് ജോലി കിട്ടി. കുടുംബവും കൂടെ പോയി. വൈകാതെ ആതിരയ്ക്കും അനുജനും ജോലി കിട്ടി. അനുജന് ഖത്തര് ഏയര്വെയ്സിലാണ്. എത്ര തിരക്കുണ്ടായാലും ഇടയ്ക്ക് ഞങ്ങള് തിരുവനന്തപുരത്ത് കൂടാറുണ്ട്. ഞങ്ങള് രണ്ടാളും സിനിമയില് എത്തിയത് കാണാന് അച്ഛന് ഇല്ലാതെ പോയത് വലിയ സങ്കടമാണ്. നൈലയുടെ കുഞ്ഞനന്തന്റെ കടയും ദിവാഞ്ചിമൂലയും ഏറെ ഇഷ്ടപ്പെട്ട സിനിമകളാണെന്ന് ആതിര. പുതിയൊരു സിനിമയില് ആതിര നായികയാവുകയാണ്.
https://www.facebook.com/Malayalivartha