വീട്ടില്‍ ഭലകങ്ങള്‍ വയ്ക്കാന്‍ ഇടമില്ലാത്തതിനാല്‍ സ്വീകരണ കമ്മിറ്റിക്കാരോട് ധര്‍മ്മജന്‍ പറഞ്ഞതിങ്ങനെ ഫലകം വേണ്ട; ഒരു ചാക്ക് അരി മതി; ഇവയെല്ലാം നല്‍കുന്നത് അനാഥാലയങ്ങള്‍ക്കും
മലയാളിയുടെ സ്വീകരണമുറിയില്‍ ചിരിയിലുടെ ഇടംപിടിച്ച ഹാസ്യതാരമാണ് ധര്‍മ്മജന്‍ ബോള്‍ഗാട്ടി. സിനിമയിയിലും തന്റെ രാശി തെളിഞ്ഞതോടെ ധര്‍മ്മജനും തിരക്കായി. സ്വീകരണങ്ങളും, ഉദ്ഘാടനങ്ങളുമായി നിന്നു തിരിയാന്‍ സമയമില്ലാതായി. സ്വീകരണങ്ങളായ സ്വീകരണങ്ങളിലെല്ലാം സമ്മാനമായി കിട്ടിയത് കുറേ ഫലകങ്ങളും. ഫലകങ്ങള്‍ കിട്ടി മടുത്ത ധര്‍മ്മജന്‍ ഒരു തീരുമാനമെടുത്തു, ഇനിമുതല്‍ ഫലകങ്ങള്‍ വേണ്ട എന്ന്. വെറുതെ പറഞ്ഞതായിരുന്നില്ല. അതിന് കാരണവുമുണ്ട് ഫലകങ്ങള്‍ കിട്ടുന്നതുകൊണ്ട് പ്രത്യേകിച്ച് ഒരു ഉപകാരവും ഉണ്ടായിരുന്നില്ല. ചെറിയ വീടായതുകൊണ്ടുതന്നെ. ഫലകങ്ങള്‍ വെയ്ക്കാന്‍ ഷോകേസ് പണിയാന്‍ തന്നെ 40, 000 ത്തോളം രൂപയുടെ ചെലവുണ്ടെന്നാണ് താരത്തിന്റെ അഭിപ്രായം. ചെറിയ വീടായതിനാല്‍ ഫലകങ്ങള്‍ ചാക്കില്‍ കെട്ടി എവിടെയെങ്കിലും വെയ്‌ക്കേണ്ട അവസ്ഥയായിരുന്നു. അതുകൊണ്ടുതന്നെ ഫലകങ്ങളില്‍ കാര്യമുണ്ടെന്ന് തോന്നിയില്ലെന്നാണ് ധര്‍മ്മജന്‍ പറയുന്നത്. ഇക്കാരണങ്ങള്‍ കൊണ്ടാണ് സ്വീകരണങ്ങള്‍ക്ക് ഫലകങ്ങള്‍ വേണ്ടെന്ന് തീരുമാനിച്ചതെന്നും താരം പറഞ്ഞു.
അതിനുശേഷം ആരെങ്കിലും സ്വീകരണങ്ങള്‍ നല്‍കാന്‍ താല്‍പര്യം അറിയിക്കുകയാണെങ്കില്‍ അരി വാങ്ങി നല്‍കാന്‍ പറയും. അതുമല്ലെങ്കില്‍ ഒരാഴ്ചത്തേക്കുള്ള അരി, പച്ചക്കറി, മറ്റ് സാധനങ്ങള്‍ എന്നിവ വാങ്ങി നല്‍കാന്‍ പറയും. ഇവയെല്ലാം അനാഥാലയങ്ങള്‍ക്ക് എത്തിച്ചു നല്‍കുകയാണ് പതിവ്. പരിചയക്കാരിലൂടെ അനാഥാലയങ്ങളും ആവശ്യക്കാരെയും കണ്ടുപിടിക്കുകയാണ് ചെയ്യാറ്. വിശപ്പാണ് ഒരു മനുഷ്യന്റെ ഏറ്റവും വലിയ പരിഹരിക്കപ്പെടേണ്ട ആവശ്യം. അനാഥാലയങ്ങള്‍ക്കും സ്ഥാപനങ്ങള്‍ക്കും പകല്‍വീടുകള്‍ക്കും ഭക്ഷണം നല്‍കും. നിരവധിയാളുകള്‍ക്ക് ഇത് ഉപകാരപ്രദമാകാറുണ്ടെന്നും ധര്‍മ്മജന്‍ സ്വകാര്യ ന്യൂസ് ചാനലിനോടാണ് ധര്‍മ്മജന്‍ ഇക്കാര്യം പറഞ്ഞത്
ചിലപ്പോള്‍, പുസ്തകങ്ങള്‍ വാങ്ങി നല്‍കാന്‍ പറയുമെന്നും ധര്‍മ്മജന്‍ പറഞ്ഞു. ആവശ്യമുള്ള പുസ്തകങ്ങളുടെ പേര് സംഘാടകര്‍ക്ക് നേരത്തെ തന്നെ എഴുതി നല്‍കുകയാണ് പുസ്തകങ്ങള്‍ ആവശ്യപ്പെടുമ്പോള്‍ ചെയ്യാറുള്ളത്. മിനിസ്‌ക്രീനിലൂടെയും സ്‌റ്റേജ് ഷോകളിലൂടെയും പ്രേക്ഷകഹൃദയങ്ങള്‍ കീഴടക്കിയ ധര്‍മ്മജന്‍ ഇപ്പോള്‍ ബിഗ് സ്‌ക്രീനിലെ തിരക്കുള്ള താരമാണ്. തന്റെ പുതിയ ചിത്രത്തില്‍ അഭിനേതാവിനൊപ്പം നിര്‍മാതാവിന്റെ റോള്‍ കൂടി കൈകാര്യം ചെയ്യുകയാണ് അദ്ദേഹം. വിഷ്ണു ഉണ്ണിക്കൃഷ്ണനും ധര്‍മ്മജനും നായകാവേഷത്തില്‍ എത്തുന്ന 'നിത്യഹരിതനായകന്‍' ന്റെ തിരക്കിലാണ് ധര്‍മജന്‍ ഇപ്പോള്‍. പാലക്കാട് ആയിരുന്നു ചിത്രത്തിന്റെ ഷൂട്ടിങ്. ജുലൈയില്‍ റിലീസ് പ്രതീക്ഷിക്കുന്ന ചിത്രത്തിന്റെ സംവിധായകന്‍ ഷാജി കൈലാസ്, ദീപന്‍ എന്നിവരുടെ സംവിധാന സഹായി ആയിരുന്ന ബിനു രാജ് ആണ്. ജയഗോപാല്‍ തിരക്കഥയൊരുക്കിയ ചിത്രത്തിന് കാമറ ചലിപ്പിക്കുന്നത് പവി കെ പ്രവീണ്‍ ആണ്.
https://www.facebook.com/Malayalivartha
