അഡാറിനെയും വെല്ലാൻ ബിഗ് ബജറ്റ് ചിത്രവുമായി ഒമർ ലുലുവിന്റെ "പവർ സ്റ്റാർ"
പുത്തൻ സിനിമയുമായി എത്തുന്നുണ്ടെന്ന് ഒമര് ലുലു പ്രഖ്യാപിച്ചപ്പോള് മുതലേ പ്രേക്ഷകര് ആകാംക്ഷയിലാണ്. നേരത്തെ ചെയ്ത സിനിമകളിലുള്ള അതേ പ്രതീക്ഷ തന്നെയാണ് സിനിമാപ്രേമികളെ ഉദ്വേഗഭരിതരാക്കുന്നത്.
ഹാപ്പി വെഡ്ഡിങ്ങ്, ചങ്ക്സ് ഈ രണ്ട് സിനിമകളാണ് ഒമര് ലുലുവിന്റേതായി പുറത്തിറങ്ങിയത്. മൂന്നാമത്തെ ചിത്രമായ ഒരു അഡാര് ലവ് പുരോഗമിച്ച് വരികയാണ്. ചിത്രം റിലീസ് ചെയ്യും മുൻപേ കേരളക്കര മാത്രമല്ല ഇന്ത്യയൊട്ടാകെ സംസാരിവിഷയമായ ചിത്രമാണ് ഒരു അഡാര് ലവ്.
പുതിയ ചിത്രം പവര് സ്റ്റാറാണെന്നാണ് പേര് നല്കിയിട്ടുള്ളതെന്ന് വ്യക്തമാക്കിയ സംവിധായകന് സിനിമയിലെ നായകനെക്കുറിച്ച് ഒന്നും പറഞ്ഞിരുന്നില്ല. ഇതോടെയാണ് മമ്മൂട്ടിയായിരിക്കും നായകനെന്ന തരത്തിലുള്ള ചര്ച്ചകള് തുടങ്ങിയത്. പിന്നീട് മെഗാസ്റ്റാറല്ല തന്റെ സിനിമയിലെ നായകന് എന്ന് അദ്ദേഹം തന്നെ വ്യക്തമാക്കുകയായിരുന്നു.
മമ്മൂട്ടിയല്ലെങ്കില് പിന്നെ ആരാണ് നായകനായി എത്തുന്നതെന്നായിരുന്നു ആരാധകര്ക്ക് അറിയേണ്ടത്. യുവതാരങ്ങളില് ആരെങ്കിലുമായിരിക്കുമോ സിനിമയിലേക്കെത്തുന്നതെന്നും സംശയമുണ്ടായിരുന്നു. എല്ലാവിധ ആകാംക്ഷയും അവസാനിപ്പിച്ച് സംവിധായകന് തന്നെ ഇപ്പോള് അക്കാര്യത്തെക്കുറിച്ച് വെളിപ്പെടുത്തിയിരിക്കുകയാണ്. ഫേസ്ബുക്കിലൂടെയാണ് അദ്ദേഹം കാര്യങ്ങള് വിശദീകരിച്ചത്.
ബാബു ആന്റണിയാണ് ഒമര് ലുലുവിന്റെ പവര്സ്റ്റാറില് നായകനായി എത്തുന്നത്. കുട്ടിക്കാലം മുതല് ബാബു ആന്റണിയുടെ ആക്ഷന് സിനിമകളുടെ ആരാധകനായിരുന്നു താന്. സിനിമയിലെത്തി സംവിധായകനായപ്പോള് അദ്ദേഹത്തെ നായകനാക്കി ആക്ഷന് സിനിമയൊരുക്കാന് പോവുകയാണ്. നീണ്ട നാളത്തെ ആഗ്രഹം കൂടിയാണ് ഈ ചിത്രത്തിലൂടെ സഫലീകരിക്കപ്പെടുന്നതെന്നും അദ്ദേഹം കുറിച്ചിട്ടുണ്ട്.
ബാബു ആന്റണിയാണ് ചിത്രത്തില് നായകനായി എത്തുന്നതെന്ന് അറിഞ്ഞപ്പോഴേ ആരാധകരും ത്രില്ലിലാണ്. അദ്ദേഹത്തിന്റെ കരിയറിലെ ശക്തമായ തിരിച്ചുവരവിനായിരിക്കണം ഈ ചിത്രം വഴിയൊരുക്കേണ്ടതെന്ന നിര്ദേശമാണ് പലരും നല്കിയിട്ടുള്ളത്. ആരാധകരുടെ കമന്റുകള്ക്ക് സംവിധായകന് തന്നെ മറുപടി നല്കിയിട്ടുണ്ട്. ഇത്തരത്തില് ആരാധകരോടൊപ്പം സംവധിക്കുന്ന ആ നല്ല മനസ്സിന് കൈയ്യടിയുണ്ടെന്നും മറ്റ് ചിലര് കുറിച്ചിട്ടുണ്ട്.
വീഡിയോ കാണാം....
https://www.facebook.com/Malayalivartha