നഷ്ട പ്രണയത്തെ കുറിച്ച് തുറന്ന് പറഞ്ഞ് സംഗീത സംവിധായകൻ ശരത്. ഭാര്യയുടെയും മകളുടെയും മുന്നിൽ വച്ചാണ് ശരത് തന്റെ പ്രണയനഷ്ടത്തെക്കുറിച്ചുള്ള ഒാർമകൾ പുതുക്കിയത്. ഇത് പറയാൻ അദ്ദേഹം ഒട്ടും നാണിച്ചില്ല.. ചമ്മിയും ഇല്ല. മഴവിൽ മനോരമയുടെ വേദിയായിരുന്നു രംഗം

കേട്ടിരുന്നവർ കൗതുകം കൂറി.ഒരുപാട് വേദനിപ്പിക്കുന്ന ഒാർമകളുള്ള ഗാനമാണെന്നു പറഞ്ഞാണ് ശരത് സംസാരിച്ചു തുടങ്ങിയത്.രത് ഇൗണം കൊടുത്ത ‌മായാമഞ്ചലിൽ എന്ന ഗാനത്തിനു പിന്നെ രഹസ്യം തുറന്ന് പറയുകയായിരുന്നു ശരത്. ‘ഇൗ പാട്ട് കമ്പോസ് ചെയ്യുന്ന ദിവസമാണ് എന്റെ പ്രേമം പൊട്ടിയെന്ന് ഒൗദ്യോഗികമായി ഞാൻ അറിയുന്നത്. നീ പ്രതീക്ഷിക്കരുത്, അവൾക്കൊരു കുട്ടിയായി എന്ന് എന്റെ ഒരു കൂട്ടുകാരൻ വിളിച്ചു പറഞ്ഞു. അത്രയും വൈകിയാണ് അറിയുന്നത്.

അത് എനിക്കൊരു ഷോക്കായിരുന്നു. എന്റെ ഭാര്യയോട് ഞാനിത് പറഞ്ഞിട്ടുണ്ട്. ഇപ്പോൾ ഇവർ രണ്ടു പേരും അടുത്ത കൂട്ടുകാരാണ്.’ ശരത് പറയുന്നത് ചിരിയോടെ മകളും ഭാര്യയും കേട്ടു.പിന്നീട് ശരത്തിന്റെ ഭാര്യയും മകളും സംസാരിക്കുകയും രസകരമായ കൂടുതൽ കാര്യങ്ങൾ പറയുകയും ചെയ്തു. രവീന്ദ്രൻ മാഷിന്റെ പാട്ടാണെന്ന് തെറ്റിദ്ധരിച്ച് തന്റെ പാട്ട് തന്നെ വിളിച്ചു കേൾപ്പിച്ച കഥയൊക്കെ വലിയ ഹർഷാരവത്തോടെയാണ് കാണികൾ കേട്ടത്