‘മരക്കാര് എത്തുന്നു ’ ; മോഹന്ലാലിനെ നായകനാക്കി പ്രിയദര്ശന്റെ ബിഗ് ബഡ്ജറ്റ് ചിത്രം ഉടൻ
പ്രിയദര്ശനും മോഹന്ലാലുമൊന്നിക്കുന്ന വമ്പന് ചിത്രം മരക്കാര് അറബിക്കടലിന്റെ സിംഹത്തിന്റെ തിരക്കഥ പൂര്ത്തിയായി. പ്രിയദര്ശനാണ് സംവിധാനത്തിനു പുറമേ തിരക്കഥാ രചനയും നടത്തുന്നത്. സഹതിരക്കഥാകൃത്തായി ഐവി ശശിയുടെ മകനായ അനിയുമുണ്ട്. കുഞ്ഞാലിമരക്കാര് നാലാമന്റെ സമുദ്രയുദ്ധങ്ങളുടെ കഥ പറയുന്ന ചിത്രം മലയാള സിനിമാചരിത്രത്തിലെ ഏറ്റവും ചെലവേറിയ സിനിമയാണ്.ആശിര്വാദ് സിനിമാസിന്റ ബാനറില് ആന്റണി പെരുമ്പാവൂരും കോണ്ഫിഡന്റ് ഗ്രൂപ്പം ചേര്ന്ന് നിര്മ്മിക്കുന്ന ചിത്രം നവംബറില് ഷൂട്ടിംഗ് ആരംഭിക്കും. ടൈറ്റില് ലോഞ്ചിനിടെ പ്രിയദര്ശന് ഈ ചിത്രത്തെക്കുറിച്ച് കൂടുതല് കാര്യങ്ങള് വെളിപ്പെടുത്തിയിരുന്നു.
കൃത്യമായ ഒരു ബജറ്റിലൊതുക്കാന് സാധിക്കുന്ന സിനിമ അല്ല ഇത് . എങ്കിലും നൂറു കോടിയ്ക്കുള്ളില് നില്ക്കുന്ന തരത്തില് നിര്മ്മിക്കണമെന്നാണ് ആഗ്രഹം. വലിയ പോസ്റ്റ് പ്രൊഡക്ഷന് ടൈം ആവശ്യമുള്ള സിനിമയാണിത്. മലയാളത്തില് നിന്ന് കൂടാതെ തെലുങ്ക് ഹിന്ദി, തമിഴ് എന്നീ ഭാഷകളിലെ താരങ്ങളും ബ്രിട്ടീഷ് അഭിനേതാക്കളും ചിത്രത്തിന്റെ ഭാഗമാകും. നാല് കുഞ്ഞാലി മരയ്ക്കാര്മാരെയാണ് ചരിത്രം രേഖപ്പെടുത്തുന്നത്. അതില് നാവിക തലവനായ കുഞ്ഞാലി മരയ്ക്കാര് നാലാമന്റെ ഇതിഹാസ ജീവിതമാണ് താനും വെള്ളിത്തിരയിലെത്തിക്കാന് ഉദ്ദേശിക്കുന്നതെന്നും പ്രിയദര്ശന് വ്യക്തമാക്കിയിരുന്നു.
ചിത്രത്തില് വലിയ താരനിര അണിനിരക്കുമെന്നും, തമിഴ്, തെലുങ്കു, ഹിന്ദി ഭാഷകളിലെ വമ്പന്മാര് അടക്കം ഈ ചിത്രത്തിന്റെ ഭാഗമായി വരുമെന്നും സംവിധായകന് പ്രിയദര്ശന് വാര്ത്താ സമ്മേളനത്തില് പറഞ്ഞിരുന്നു. തെലുങ്കു സൂപ്പര് താരം നാഗാര്ജുനയും ബോളിവുഡിലെ പ്രശസ്ത താരം സുനില് ഷെട്ടിയും സിനിമയുടെ ഭാഗമാകും.
https://www.facebook.com/Malayalivartha
