ചലച്ചിത്ര ജീവിതത്തിന്റെ നാൽപതാം വർഷം ആഘോഷിക്കുന്നത് ക്യാമ്പസ് പശ്ചാത്തലത്തില് കഥ പറഞ്ഞുകൊണ്ട് ; ബാലചന്ദ്ര മേനോന്റെ 'എന്നാലും ശരത്' ഓഡിയോ ട്രീസർ റിലീസ് ചെയ്തു
ക്യാമ്പസ് പശ്ചാത്തലത്തില് കഥ പറയുന്ന ചിത്രമാണ് എന്നാലും ശരത്. ബാലചന്ദ്രമേനോന്റെ ചലച്ചിത്ര ജീവിതത്തിന്റെ നാൽപതാം വർഷത്തിൽ ഒരു നായകനെയും രണ്ട് നായികമാരെയും അവതരിപ്പിക്കുന്നതോടൊപ്പം നിരവധി പുതുമുഖങ്ങൾക്കും അവസരവും നൽകുന്നതാണ് പുതിയ ചിത്രം. പുതുമുഖമായ ചാർലിയാണ് നായകൻ. പുതുമുഖങ്ങളായ നിത്യാ ,നിധി എന്നിവരാണ് നായികമാർ. ചിത്രത്തിന്റെ ഓഡിയോ ട്രീസർ റിലീസ് ചെയ്തു. ചടങ്ങിൽ സിനിമ ലോകത്തെ നിരവധി പ്രമുഖർ പങ്കെടുത്തു.
കൂടാതെ മെറീന മൈക്കിൾ ,മല്ലിക സുകുമാരൻ, അജു വർഗ്ഗീസ്, ഇടവേള ബാബു, കോട്ടയം നസീർ, നോബി ,ജോബി, പൊന്നമ്മ ബാബു, ലക്ഷ്മി പ്രിയ ,റീന, പൂജപ്പുര രാധാകൃഷ്ണൻ , കാര്യവട്ടം ശശികുമാർ ,മോളി കണ്ണമാലി, കുഞ്ചൻ എന്നിവർക്കൊപ്പം ബാലചന്ദ്രമേനോനും സുരഭി ലക്ഷ്മിയും അഭിനയിക്കുന്നു . കൂടാതെ ജോയ് മാത്യൂ, ലാൽജോസ് ,വിജിതമ്പി , മേജർ രവി, ജൂഡ് ആന്റണി ജോസഫ്, ജോഷി മാത്യു, ഏ.കെ സാജൻ എന്നീ സംവിധായകരും ശ്രദ്ധേയ കഥാപാത്രങ്ങളെ അവതരിപ്പിക്കുന്നു. ഗാനരചന - റഫീഖ് അഹമ്മദ്, ഹരി നാരായണൻ . സംഗീതം - ഔസേപ്പച്ചൻ .നിർമ്മാണം - ആർ. ഹരികുമാർ. ബാലചന്ദ്രമേനോൻ തന്നെയാണ് തിരക്കഥ തയ്യാറാക്കിരിക്കുന്നത്.
https://www.facebook.com/Malayalivartha