ഇന്ത്യൻ തീയേറ്റർ ക്ലാസിക്കിൽ പുത്തൻ ചരിത്രമെഴുതി ദർശനയുടെ കൃതി അരങ്ങിൽ ; ഹ്യൂമൺ ലൈബ്രറി പ്രമേയമാക്കി ഒരു കൃതി അരങ്ങിലെത്തുന്നത് ഇന്ത്യയിൽ ഇത് ആദ്യം
ഇന്ത്യൻ തീയേറ്റർ ക്ലാസിക്കിൽ പുത്തൻ ചരിത്രമെഴുതി ദർശനയുടെ കൃതി അരങ്ങിലെത്തി. ഹ്യൂമൺ ലൈബ്രറി പ്രമേയമാക്കി ഇന്ത്യയിൽ ആദ്യമായ് അരങ്ങിലെത്തുന്ന നാടകത്തിന്റെ രചനയും സംവിധാനവും നിർവ്വഹിച്ചിരിക്കുന്നത് അന്താരാഷ്ട്ര തലത്തിൽ ശ്രദ്ധേയനായ സംവിധായകൻ K.R രമേശാണ്.... മനുഷ്യൻ പുസ്തകമായ് മാറുന്ന അത്യഅപൂർവ്വമായ കാഴ്ച, നാടിന്റെ നന്മകൾ ഹൃദയത്തിലേറ്റു വാങ്ങിയ ചാക്കോ ഗാന്ധിയെന്ന ഗ്രാമീണ വൃദ്ധൻ കോർപ്പറേറ്റുകളായ പ്രസാധകരുടെ നീരാളി കൈകളിൽ എത്തിപ്പെടുന്നതും, തുടർന്ന് കച്ചവട താത്പര്യങ്ങൾക്കായ് നാടിൻറ നന്മയും പൈതൃകവും, ബന്ധങ്ങളും വരെ ടൂറിസമാക്കുന്ന നേർ ചിത്രവും നാടകം അനാവരണം ചെയ്യുന്നു.
ഡൽഹി പശ്ചാത്തലമാക്കി കഥ പറയുന്ന നാടകത്തിൽ സമകാലീന സംഭവങ്ങളുടെ ഹൃദയഭേദകമായ നേർക്കാഴ്ചകൾ നിരവധിയാണ്. ഇടുക്കിയുടെ അഭിമാനമെന്ന് വിശേഷിപ്പിക്കാവുന്ന നടനും തിരക്കഥാകൃത്തുമായ അനിൽ കെ.ശിവറാമിന്റയും ,ജോസഫ് ചിലമ്പൻറയും തികവാർന്ന അഭിനയം കാഴ്ചക്കാരെ ആസ്വാദനത്തിന്റെയും, വേദനയുടെയും കൊടുമുടി കയറ്റുന്നുണ്ട് .സൂഷ്മാഭിനയത്തിന്റെ ആഴങ്ങളിലൂടെ ഒന്നര മണിക്കൂർ സമയം വിസ്മയമൊരുക്കിയ അനിൽ കെ.ശിവറാം മലയാളത്തിന് അഭിമാനമായ് മാറുന്ന കാഴ്ചയാണ് കൃതിയിലൂടെ ആസ്വാദകർ കണ്ടത്. നൽപ്പത് വർഷക്കാലത്തെ പ്രൊഫഷണൽ നാടകവേദിയിലെ അഭിനയ പരിചയം കൈമുതലാക്കിയ ജോസഫ് ചിലമ്പൻ എന്ന അതുല്യപ്രതിഭയുടെ മടങ്ങി വരവും കൃതിയിലൂടെ പ്രേക്ഷകർ കണ്ടു .സുരേഷ് ഗോപി നിർമ്മിച്ച ഇന്ദനീലം സീരിയൽ, സൂര്യാ ടിവി സംപ്രേഷണം ചെയ്ത സ്ത്രിഹൃദയം, ചേച്ചിയമ്മ, റാപ്പിഡ് ആക്ഷൻ ഫോഴ്സ് സിനിമ എന്നിവയുടെ തിരക്കഥാകൃത്ത് കൂടിയാണ് അനിൽ കെ.ശിവറാം.
മരംകൊത്തി, ഭ്രമം, തുടങ്ങിയ സിനിമകളിലും, തട്ടീംമുട്ടീം, മറിമായം, സാമൂഹ്യപാഠങ്ങൾ, തുടങ്ങിയ സീരിയലുകളിലും വേഷമിട്ട അനിൽ കെ.ശിവറാം ജില്ലയിലെ അറിയപ്പെടുന്ന മാധ്യമ പ്രവർത്തകൻ കൂടിയാണ് ഇദ്ദേഹത്തിന്റെ കായൽ കാക്കകൾ എന്ന ചെറുകഥാ സമാഹാരം ഏറെ ചർച്ച ചെയ്യപ്പെട്ട പുസ്തകമാണ് .ആറ്റിങ്ങൽ ദേശാഭിമാനി, കൊച്ചിൻ സംഗ മിത്ര, കാത്തിരപ്പള്ളി അമല ,തുടങ്ങി മലയാളത്തിലെ പ്രധാന നാടക സമിതികളിൽ നാല് പതിറ്റാണ്ട് കാലം നിറഞ്ഞു നിന്ന അഭിനേതാവാണ് ജോസഫ് ചിലമ്പിൽ, ദീർഘമായ ഒരിടവേളക്ക് ശേഷമാണ് അദ്ദേഹം കൃതിയിലൂടെ അരങ്ങിൽ മടങ്ങിയെത്തിയത്.
ഇടുക്കിയിലെ കലാകാരന്മാരായ മാത്യൂസ്, സ്റ്റാലിൻ ഭാർഗ്ഗവൻ, സൈമൺ, അനി ഇലവന്തിക്കൽ ബിനു, ചന്ദ്രു ,9 വയസുകാരിയായ മരിയ തുടങ്ങി മൂന്ന് അഭിനയതലമുറകളുടെ കൂടിച്ചേരൽ കൂടിയായിരുന്നു ദർശനയുടെ കൃതി.. 2013 ൽ ദേശീയ -അന്തർ ദേശീയ തിയ്യേറ്റർ ഫെസ്റ്റിവലുകളിൽ ശ്രദ്ധേയമായ ഒഴിവ് ദിവസത്തെ കളിക്ക് ശേഷം ദർശന ഒരുക്കിയ കൃതി വിദേശ ഫെസ്റ്റിവലുകളിൽ അടക്കം അവതരണത്തിന് ഒരുങ്ങുകയാണ് പ്രശസ്ത സംവീധായകൻനരിപ്പറ്റ രാജു ഒരുക്കിയ ഒഴിവ് ദിവസത്തെ കളിയിലും അനിൽ കെ ശിവറാമിന്റെ പ്രകടനം അന്താരാഷ്ട്ര തലത്തിൽ പ്രേക്ഷക ശ്രദ്ധ പിടിച്ച് പറ്റിയിരുന്നു.. 2013 ൽ കേരളത്തെ പ്രതിനിധീകരിച്ച ഏക മലയാള നാടകം കൂടിയായിരുന്നു ഒഴിവ് ദിവസത്തെ കളി .. ദർശന പ്രസിഡന്റ് EJ ജോസഫ്, സെക്രട്ടറി m.c ബോബൻ, സംഗീത സംവിധായകൻ തങ്കച്ചൻ പാല, സജി മാധവ്, എന്നിവരാണ് കൃതിയുടെ അണിയറ പ്രവർത്തകർ .പ്രമേയം കൊണ്ടും, അവതരണ മികവ് കൊണ്ടും,അഭിനയചാതുരി കൊണ്ടും വ്യത്യസ്തമായ ദൃശ്യാനുഭൂതി സമ്മാനിച്ചാണ് കൃതി അരങ്ങുണർത്തുന്നത് "
https://www.facebook.com/Malayalivartha