വിവാഹത്തിനു ശേഷം നസ്രിയ അഭിനയിക്കുന്ന ആദ്യ ചിത്രം കൂടെയിലെ ആദ്യ ഇന്നാണ് അണിയറപ്രവര്‍ത്തകര്‍ പുറത്തുവിട്ടത്. പൃഥ്വിരാജ് നായകനാകുന്ന ചിത്രത്തില്‍ പാര്‍വതിയാണ് നായിക. അഞ്ജലി മേനോനാണ് ചിത്രം സംവിധാനം ചെയ്യുന്നത്.

ആരാരോ എന്നു തുടങ്ങുന്ന ഗാനത്തില്‍ നിറഞ്ഞു നില്‍ക്കുന്നത് നസ്രിയ തന്നെയാണ്. തിരിച്ചു വരവില്‍ കൂടുതല്‍ സുന്ദരിയായിരിക്കുകയാണ് നസ്രിയ. ഗാനത്തിന്റെ ടീസര്‍ കഴിഞ്ഞ ദിവസം പുറത്തു വന്നിരുന്നു. ടീസറിന് ആരാധകര്‍ക്കിടയില്‍ മികച്ച പ്രതികരണം തന്നെ ലഭിച്ചിരുന്നു.

റഫീഖ് അഹമ്മദിന്റെ വരികള്‍ക്ക് രഘു ദീക്ഷിതാണ് ഈണം നല്‍കിയിരിക്കുന്നത്. ആന്‍ ആമിയാണ് ഗാനം ആലപിച്ചിരിക്കുന്നത്. വിവാഹം കഴിഞ്ഞ് നാല് വര്‍ഷത്തെ ഇടവേളയ്ക്ക് ശേഷമാണ് നസ്രിയ തിരിച്ചെത്തിയിരിക്കുന്നത്.

ചിത്രത്തില്‍ പൃഥ്വിരാജിന്റെ സഹോദരിയായിട്ടാണ് നസ്രിയ എത്തുന്നത്. സംവിധായകന്‍ രഞ്ജിത്, ബോളിവുഡ് താരം അതുല്‍ കുല്‍ക്കര്‍ണി എന്നിവരും ചിത്രത്തിലുണ്ട്. രജപുത്ര ഫിലിംസിന്റെ ബാനറില്‍ എം രഞ്ജിത്താണ് ചിത്രം നിര്‍മിച്ചിരിക്കുന്നത്. ജൂലൈ ആറിന് ചിത്രം തിയേറ്ററുകളിലെത്തും